ամբարձման
տոնը Սառնաղբյուր համայնքում կրկնակի տոն էր: Մայիսի 30-ին այստեղ,
Տ. Հակոբ քհն. Գրիգորյանի եւ Տ. Ստեփանոս քհն. Ավետիսյանի հանդիսապետությամբ,
տեղի ունեցավ Խաչի օրհնության կարգ:
Սուրբ
Թադեոս եկեղեցու խաչքավոր Սեւադա Գրիգորյանի բարերարությամբ, համայնքը,
որպես թագ, իր «գլխավերեւում» ունեցավ Տիրոջ փրկչական Խաչի նշանը,
որը տեղադրվեց գյուղի բարձունքին եւ իր պահպանության ներքո առավ
ողջ համայնքը:
Խաչի օրհնության կարգին ներկա էին Անի համայնքի ղեկավար Արտակ Գեւորգյանը,
պատգամավոր Սոֆյա Հովսեփյանը, բարեպաշտ տեղաբնակներ: Տերունական
Խաչի օրհնության կարգից հետո իր հայրական խոսքը ներկաներին հղեց
Սառնաղբյուրի հոգեւոր հովիվ Տ. Հակոբ քահանան՝ առանձնակի շնորհակալություն
հայտնելով բարերարին, ով միշտ առատաձեռն է գտնվել աստվածահաճո գործեր
կատարելիս: Տեր Հայրը համայնքի բնակիչներին մաղթեց Խաչի պահպանությունը
եւ զորակցությունը` Տիրոջ նկատմամբ հավատքով լցվելու եւ հույսով
ապրելու ու արարելու համար, նաեւ նկատելով, որ Աստծո նկատմամբ ունեցած
հույսը երբեք չի ամաչեցնում:
Արարողության ավարտին համայնքի շնորհալի երիտասարդներն ազգային երգ
ու պարով ուրախ շունչ հաղորդեցին տոնակատարությանը, որից հետո տեղի
ունեցավ մատաղօրհնություն:
Իրապես
մեծ է Խաչի խորհուրդը: Այն սիրո բարձրագույն դրսեւորումն է, քանզի
Ամենակարողի զոհաբերությունն է՝ մեղքերով ախտահարված իր ժողովրդի
համար, ովքեր կորցրել էին հավիտենական կյանքը, Տիրոջով ապրելու ազատությունը:
Տերունական նշանը՝ Խաչը, բոլոր նշանների թագն ու պսակն է: Ուրեմն՝
նշաններ փնտրելուց առաջ, արժեւորենք Տիրոջ նշանով պսակվելու անհրաժեշտությունը,
որ կյանք է պարգեւում արդարության համար հալածվողներին, մեղքից դեպի
կյանք ձգտողներին, աստվածային նմանությունը վերականգնել կամեցողներին:
Սակայն չմոռանանք, որ այն մահվան դատավճիռ է անարգողների համար:
Ուստի Տիրոջ Խաչը միշտ պահապան է դեպի փրկություն առաջնորդվողներին,
սակայն ամոթ եւ նախատինք է նրանց համար, ովքեր, ատելով բարին, մերժում
են իրենց համար նախասահմանված կյանքը: Թող Տերունական Խաչը, որպես
հաղթության զենք, միշտ պահապան լինի բոլոր հայ օջախներին:
ԱՐՄԵՆ ՍԱՐԿԱՎԱԳ ԻՍԱՀԱԿՅԱՆ
ԼՈՒՍԱՆԿԱՐՆԵՐԸ՝ ԼԵՎՈՆ ԽԱՉԱՏՐՅԱՆԻ
ամբարձման
տոնը Սառնաղբյուր համայնքում կրկնակի տոն էր: Մայիսի 30-ին այստեղ,
Տ. Հակոբ քհն. Գրիգորյանի եւ Տ. Ստեփանոս քհն. Ավետիսյանի հանդիսապետությամբ,
տեղի ունեցավ Խաչի օրհնության կարգ: 
Սուրբ
Թադեոս եկեղեցու խաչքավոր Սեւադա Գրիգորյանի բարերարությամբ, համայնքը,
որպես թագ, իր «գլխավերեւում» ունեցավ Տիրոջ փրկչական Խաչի նշանը,
որը տեղադրվեց գյուղի բարձունքին եւ իր պահպանության ներքո առավ
ողջ համայնքը: 
Իրապես
մեծ է Խաչի խորհուրդը: Այն սիրո բարձրագույն դրսեւորումն է, քանզի
Ամենակարողի զոհաբերությունն է՝ մեղքերով ախտահարված իր ժողովրդի
համար, ովքեր կորցրել էին հավիտենական կյանքը, Տիրոջով ապրելու ազատությունը:
Տերունական նշանը՝ Խաչը, բոլոր նշանների թագն ու պսակն է: Ուրեմն՝
նշաններ փնտրելուց առաջ, արժեւորենք Տիրոջ նշանով պսակվելու անհրաժեշտությունը,
որ կյանք է պարգեւում արդարության համար հալածվողներին, մեղքից դեպի
կյանք ձգտողներին, աստվածային նմանությունը վերականգնել կամեցողներին:
Սակայն չմոռանանք, որ այն մահվան դատավճիռ է անարգողների համար:
Ուստի Տիրոջ Խաչը միշտ պահապան է դեպի փրկություն առաջնորդվողներին,
սակայն ամոթ եւ նախատինք է նրանց համար, ովքեր, ատելով բարին, մերժում
են իրենց համար նախասահմանված կյանքը: Թող Տերունական Խաչը, որպես
հաղթության զենք, միշտ պահապան լինի բոլոր հայ օջախներին:
