Ընթացիկ համար

Քեզ համար   

Մանուկներին

Արխիվ

Քարոզները

Բացիկներ

ՊԱՏՎՈ ԲԱՐՁՐԱԳՈՒՅՆ ՇՔԱՆՇԱՆ ԳՅՈՒՄՐՈՒ ՔԱՂԱՔԱՊԵՏԻՆ

խուրյանի Ս. Աստվածածին եկեղեցին վերակառուցելու համար Գյումրու քաղաքապետ Սամվել Բալասանյանն արժանացավ Հայ Եկեղեցու պատվո բարձրագույն «Սուրբ Գրիգոր Լուսավորիչ» շքանշանի: Շքանշանը տրվել էր Շիրակի թեմի Առաջնորդ Տ. Միքայել արքեպիսկոպոս Աջապահյանի միջնորդությամբ՝ Ն.Ս.Օ.Տ.Տ. Գարեգին Բ Ծայրագույն Պատրիարք եւ Ամենայն Հայոց Կաթողիկոսի կողմից:

Ապրիլի 28-ին՝ կիրակի օրը, Ախուրյանի Սուրբ Աստվածածին եկեղեցում մատուցված Սուրբ եւ անմահ Պատարագի ընթացքում, Շիրակի թեմի բարեխնամ Առաջնորդը հանդիսավորաբար, մեծաթիվ հավատացյալների ներկայությամբ, «Սուրբ Գրիգոր Լուսավորիչ» շքանշանով զարդարեց Սամվել Բալասանյանի կուրծքը:

Դեռ տասնմեկ տարի առաջ՝ 2008 թվականին, Ս. Աստվածածին եկեղեցին վերականգնվեց Աժ նախկին պատգամավոր Սամվել Բալասանյանի նախաձեռնությամբ ու ֆինանսական աջակցությամբ:

ՍՈՒՐԲ ԱՍՏՎԱԾԱԾԻՆ ԵԿԵՂԵՑԻՆ

Տասնյակ հարյուրամյակների պատմություն ունեցող Ախուրյանում ԺԹ դարի Սուրբ Աստվածածին եկեղեցին կառուցվել է տեղաբնակների հանգանակությամբ ու ջանքերով: Ժամանակին աղոթատանը Ս. Պատարագ է մատուցվել ձեռամբ տեղաբնակ քահանայի: Աստվածմերժության տարիներին այն գործածվել է որպես հացահատիկի պահեստ: Խոնարհվել է 1988-ի երկրաշարժից: 2007 թվականին, հին երկշարք քարերի վրա, կառուցվել է նորը: Վերանորոգված եկեղեցու վերաբացման առաջին քայլը խաչի եւ զանգի օծումն ու տեղադրումն էր, որ տեղի ունեցավ 2008 թվականի հոկտեմբերի 12-ին՝ ձեռամբ թեմակալ Առաջնորդի եւ հոգեւորականաց դասի:

Աղոթատունն ուշագրավ է իր կառուցվածքային ձեւերով, ճարտարապետական լուծումներով: Կառուցված է կարմիր եւ սեւ սրբատաշ տուֆաքարերով: Ունի երկու դուռ: Հարավային կողմում գտնվում է զանգակատունը կամ ժամատունը, որի վրա բարձրանում է գեղեցկաշեն կաթողիկեն՝ ութ սյուներով, Ս. Խաչով ու զանգակով: Հարավային կողմում կան երեք մեծ լուսամուտներ, դռան աջ եւ ձախ կողմերում են գտնվում եւս երկուսը, որոնք նեղ են ու երկարավուն: Արեւելյան կողմում կիսակլոր աբսիդն է՝ երկու խորաններով եւ մեծ լուսամուտը՝ սեղանը լուսավորելու համար: Հյուսիսային կողմում է գտնվում մկրտության ավազանը:

ԳՅՈՒՄՐՈՒ ՔԱՂԱՔԱՊԵՏԱՐԱՆ

>>>