| «ՈՐ
ՔՈՅՈՎ ԱՆՏԱՆԵԼԻ ՉԱՐՉԱՐԱՆՕՔԴ ՏԱՆՍ ԹՈՐԳՈՄԱՅ
ՍՈՒՐԲԴ ԳՐԻԳՈՐ» ՍՈՒՐԲ ՊԱՏԱՐԱԳ
ՍՈՒՐԲ ԳՐԻԳՈՐ ԼՈՒՍԱՎՈՐԻՉ ԵԿԵՂԵՑՈՒՄ
«Ցնծայ այսօր, ցնծայ եւ զուարճանայ եկեղեցի
սուրբ, տօնելով մեծաւ հանդիսիւ զհանրատենչ յիշատակս քո, ո՛վ գերազանցեալդ
ի հարս, սուրբ Հայրապետ եւ լուսաւորիչ տանս Թորգոմայ Սուրբ Գրիգոր»:
ՇԱՐԱԿՆՈՑ
 եծ
էր Ս. Գրիգոր Լուսավորչի առաքելությունը, քանզի ճգնություններով,
աղոթքներով եւ անպատմելի չարչարանքներով երկնեց նրա հոգին, ում շնորհիվ
վերածնվելու էր մի ամբողջ հավատավոր ազգ:
Երրորդ դարավերջին Տրդատ Գ թագավորը, հաղթականորեն մտնելով հայոց
աշխարհ, Երիզա ավանի մոտ դադար առավ եւ կամեցավ տոնախմբել իր հաղթանակն
Անահիտի մեհյանում: Գրիգորին հանձնարարվեց չաստվածուհուն ընծայել
ծաղկեպսակներ: Քրիստոնյա պատանին մերժեց, որի պատճառով սահմռկեցուցիչ
չարչարանքների ենթարկվեց եւ նետվեց Արտաշատի խոր վիրապը: Տասներեք
տարի խորը գբում, մարդկանցից մերժված ու հալածված, մնաց մեր հավատքի
լուսատու ջահը եւ իր ներկայությամբ բանտը դարձրեց առ Աստված հավատքի
վկայարան: Ս. Գրիգորը վերանորոգիչն ու վերակենդանացնողը եղավ Հայ
Եկեղեցու եւ նրանով հիմնվեց Հայոց Կաթողիկոսությունը: Խորը գբում
ողջ մնաց նա Տիրոջ շնորհիվ՝ մթին վիրապն իր տառապանքով փոխարկելով
հայոց խաչի ճանապարհի, հայոց Գողգոթայի, կյանքի ու հավերժության
խորհրդանիշի: Եվ Տիրոջ իսկ կամքով այնտեղից դուրս եկավ որպես հայոց
մեծ Լուսավորիչ: Ս. Գրիգորը հավատում էր, որ «ճշմարիտ խոստովանողներն
ու ապաշխարողներն ազատվում են Քրիստոսի փրկավետ մարմնով ու արյամբ»
(Հաճախապատում):
Հայոց տոնացույցում Սուրբ Գրիգոր Լուսավորչին նվիրված երեք տոներից
մեկը վիրապ մտնելու հիշատակն է: Ապրիլի 6-ին՝ «Մուտն ի վիրապ» տոնի
առիթով, Ս. Գրիգոր Լուսավորիչ եկեղեցում մատուցվեց Սուրբ եւ անմահ
Պատարագ: Օրվա պատարագիչն էր Տ. Փավստոս քհն. Սարգսյանը: Սրբազան
արարողակարգի ընթացքում՝ «Հայր մեր»-ից առաջ, օրվա խորհուրդը մեկնող
հավուր պատշաճի քարոզ խոսեց պատարագիչ Տեր Հայրը:
ԱԼՎԱՐԴ ԿԱՂԶՎԱՆՑՅԱՆ
>>>
|
|
