ՆՈՐ
ՀՐԱՏԱՐԱԿՈՒԹՅՈՒՆ
Ն.Ս.Օ.Տ.Տ.
Գարեգին Երկրորդ Ծայրագույն Պատրիարք եւ Ամենայն Հայոց Կաթողիկոսի
օրհնությամբ Մայր Աթոռ Սուրբ Էջմիածնի Հրատարակչական բաժինը լույս
է ընծայել Մայր Աթոռ Ս. Էջմիածնի միաբան Գերաշնորհ Տ. Մեսրոպ արքեպիսկոպոս
Տեր-Մովսիսյանի «Պատմություն Սուրբ Գրոց հայկական թարգմանության»
աշխատությունը: Այն ռուսերենից թարգմանել է Սուսաննա Նահապետյանը:
Մեսրոպ Մագիստրոս արքեպիսկոպոս Տեր-Մովսիսյանի (1865-1939) ներկա
գիրքը հայերեն Աստվածաշնչի ձեռագրական ավանդույթի առաջին լուրջ գիտական
հետազոտությունն է, որ արվել է, 19-րդ դարավերջի դրությամբ, հեղինակին
հայտնի նյութերի հիման վրա: Այն իր հրապարակման ժամանակի հայագիտության
եւ հայ աստվածաշնչագիտության կարեւոր առաջընթաց քայլերից կամ ձեռքբերումներից
մեկն է: 1902 թ. ռուսերենով հրատարակված լինելով Սանկտ Պետերբուրգում`
աշխատությունը մինչեւ այժմ հասու չի եղել շատ հայագետների:
Գիրքը հրատարակվել է «Սարգիս Գաբրիելյան» հիմնադրամի մեկենասությամբ:
ՄԱՅՐ ԱԹՈՌ Ս. ԷՋՄԻԱԾԻՆ ՏԵՂԵԿԱՏՎԱԿԱՆ ՀԱՄԱԿԱՐԳ
>>>
|