ՄԵԿ
ՕՐՈՒՄ ԵՐԵՔ ՀՈՒՇԱԳԻՐ
ԳՅՈՒՄՐԻՈՒՄ ԷՐ ՀԱՅԱՍՏԱՆՈՒՄ ՃԱՊՈՆԻԱՅԻ
ՆՈՐԱՆՇԱՆԱԿ ԴԵՍՊԱՆԸ
արտի
7-ին Գյումրու քաղաքապետարանում հյուրընկալվեց Ճապոնիայի արտակարգ
եւ լիազոր դեսպան Ջուն Յամադան: Քաղաքապետ Սամվել Բալասանյանը, ողջունելով
դեսպանին, ներկայացրեց Գյումրին իր հարուստ պատմությամբ ու մշակույթով:
Գյումրի համայնքի ղեկավարն ու դեսպանը խոսեցին հնարավոր համագործակցություների
ու Գյումրին ճապոնական Սինդայ քաղաքի հետ քույր քաղաքներ դարձնելու
մասին: Գյումրին ու Սինդայն ունեն շատ նմանություններ: Ըստ դեսպանի,
Գյումրին օր-օրի վերականգնվում ու զարգանում է: Նա նույնիսկ ցանկություն
հայտնեց ճապոնական սակուրայի տնկիներ բերել Գյումրի:
Այցելության
շրջանակում ստորագրվեց երեք հուշագիր, որին ներկա էին նաեւ մարզային
իշխանության ու հասարակական կազմակերպությունների ներկայացուցիչներ:
Մարդկային անվտանգության ծրագրի շրջանակներում առաջին հուշագիրը
Շիրակի թեմի սոցիալ-կրթական կենտրոնի հետ էր: Այն ստորագրվեց դեսպան
Ջուն Յամադայի եւ Շիրակի թեմի Առաջնորդ Տ. Միքայել արքեպս. Աջապահյանի
միջեւ: Ըստ հուշագրի՝ սոցկենտրոնի վերանորոգման համար կտրամադրվի
26.923 ԱՄՆ դոլար:
«Ճապոնիայի
կառավարության եւ ժողովրդի անունից ինձ համար մեծ պատիվ է մասնակցել
Գյումրիում գործազուրկների համար սոցիալ-կրթական կենտրոնի բարելավման
ծրագրերի ստորագրման արարողությանը, Գյումրու թիվ 1 արհեստագործական
ուսումնարանին դպրոցական գույքի տրամադրման եւ Գյումրիում, Տաշիրում,
տարեցների համար ցերեկային խնամքի կենտրոնների վերականգնման ծրագրերին:
Այս երեք ծրագրերը տարբեր թիրախներ եւ շահառուներ ունեն, բայց կիսում
են ընդհանուր նպատակներ, որ է աջակցել մարդկանց կյանքի եւ կենսապայմանների
բարելավմանը, մարդկային անվտանգություն հասկացության շրջանակում,
որն անշափ կարեւորում է Ճապոնիայի կառավարությունը»,- իր խոսքում
շեշտեց Ջուն Յամադան:
Իր հերթին կարեւորելով երկուստեք ստորագրված հուշագիրը՝ թեմակալ
Առաջնորդը հավելեց. «Մենք շատ ուրախ ենք այսօր, որ հեռավոր Ճապոնիայից՝
ծագող արեւի երկրից, ձեռք է մեկնվում մեր քաղաքին՝ որոշակի կարիքներ
բավարարելու նպատակով: Նաեւ շնորհակալ եւ ուրախ ենք, որ մեր գործունեությունը,
մեր սոցիալ կրթական կենտրոնի գործունեությունն աննկատ չի մնացել»:
Վերջում Ճապոնիայի դեսպանը խոստացավ, որ օգնությունը շարունակական
կլինի:
ԳՅՈՒՄՐՈՒ ՔԱՂԱՔԱՊԵՏԱՐԱՆ
>>>
|
|