Լրահոսից
3 փետրվարի - Առաջնորդանիստ Սուրբ
Աստվածածին մայր եկեղեցում, ձեռամբ Տ. Շիրակ ավագ քհն. Առաքելյանի,
մատուցվեց Սուրբ եւ անմահ Պատարագ: Հընթացս սրբազան արարողակարգի՝
«Հայր մեր»-ից առաջ, հանգամանալից քարոզ խոսեց Տ. Ավետիք աբղ. Սողոմոնյանը:
10 փետրվարի - Զկնի Ս. Ծննդեան: Ս. Յոթվերք առաջնորդանիստ
եկեղեցում մատուցվեց Սուրբ եւ անմահ Պատարագ: Օրվա պատարագիչն էր
Տ. Թաթուլ ավագ քհն. Հակոբյանը: Հընթացս սրբազան արարողակարգի՝ «Հայր
մեր»-ից առաջ, հավուր պատշաճի քարոզ խոսեց պատարագիչ Տեր Հայրը:
13 փետրվարի - Սուրբ Աստվածածին մայր եկեղեցում,
հավարտ երեկոյան ժամերգության, կատարվեց նախատոնակ, եւ Վարդանանց
հրապարակում, ձեռամբ Շիրակի թեմի Առաջնորդ Տ. Միքայել եպս. Աջապահյանի,
վառվեց Տյառնընդառաջի խարույկը:
14 փետրվարի - Տյառնընդառաջ, տոն քառասնօրյա գալստյան
Քրիստոսի ի Տաճարն: Տոնի ուրախ առիթով Ս. Յոթվերք եկեղեցում մատուցվեց
Սուրբ եւ անմահ Պատարագ: Օրվա պատարագիչն էր Տ. Ավետիք աբղ. Սողոմոնյանը:
Սրբազան արարողակարգի ընթացքում՝ «Հայր մեր»-ից առաջ, օրվան համահունչ
քարոզ խոսեց պատարագիչ Հայր Սուրբը:
16 փետրվարի- Սրբոցն Սարգսի զորավարին եւ որդվո
նորա Մարտիրոսին եւ չորեքտասն զինավորացն: Տոնի ուրախ առիթով Ս.
Սարգիս մատուռում մատուցվեց Սուրբ եւ անմահ Պատարագ: Օրվա պատարագիչն
ու քարոզխոսն էր Տ. Ստեփանոս քհն. Ավետիսյանը:
17 փետրվարի - Սուրբ Յոթվերք եկեղեցում, ձեռամբ
Տ. Ավետիք աբղ. Սողոմոնյանի, մատուցվեց Սուրբ եւ անմահ Պատարագ:
Հընթացս սրբազան արարողակարգի՝ «Հայր մեր»-ից առաջ, օրվան պատշաճող
քարոզ խոսեց պատարագիչ Հայր Սուրբը:
24 փետրվարի - Ս. Յոթվերք առաջնորդանիստ մայր եկեղեցում
Ս. Պատարագ մատուցվեց ձեռամբ Տ. Շիրակ ավագ քհն. Առաքելյանի: Հընթացս
սրբազան արարողակարգի՝ «Հայր մեր»-ից առաջ, հավուր պատշաճի քարոզ
խոսեց Տ. Ավետիք աբղ. Սողոմոնյանը:
28 փետրվարի - Սրբոց Վարդանանց զորավարացն մերոց՝ հազար
երեսուն եւ վեց վկայիցն, որք կատարեցան ի մեծի պատերազմին: Առաջնորդանիստ
Ս. Աստվածածին մայր եկեղեցում մատուցվեց ոգեկոչման Սուրբ եւ անմահ
Պատարագ: Օրվա պատարագիչն էր Տ. Թաթուլ ավագ քհն. Հակոբյանը: Սրբազան
արարողակարգի ընթացքում կատարվեց Հայրապետական մաղթանք Ն.Ս.Օ.Տ.Տ.
Գարեգին Բ Ամենայն Հայոց Կաթողիկոսի անվանակոչության տոնի ուրախ
առիթով:
>>> |
|