ԱՍՏԾՈ
ՈՐԴԵԳԻՐՆԵՐ ԴԱՐՁԱՆ ՄԱՆԿԱՏԱՆ ՔՍԱՆՎԵՑ ՍԱՆԵՐ
«Գնացե՛ք, այսուհետեւ աշակերտ դարձրե՛ք բոլոր ազգերին,
նրանց մկրտե՛ք Հոր, Որդու եւ Սուրբ Հոգու անունով»:
ՄԱՏԹ. ԻԸ 19
ենք՝
հայերս, հավատարիմ մնալով աստվածային այս պատգամին, մկրտվեցինք Սուրբ
Առաքյալների ձեռքով ու, վերստին ծնունդ առած, ընդունեցինք Սուրբ
Հոգու դրոշմը: Քրիստոնեացանք եւ, որդեգրվելով Աստծուն, կապվեցինք
Նրա հետ հավիտենական ուխտով: Այդ օրերից ի վեր հայությունն ու քրիստոնեությունը
նույնացան, եւ այլեւս ո՛չ մահը, ո՛չ կյանքը, ո՛չ հրեշտակները, ո՛չ
գալիք փորձությունները ի զորու չեղան մեզ բաժանել Աստծո սիրուց:
ՄԿՐՏՈՒԹՅՈՒՆ ԵՎ ԴՐՈՇՄ
Մկրտությունը եւ Դրոշմը, մեր Տեր Հիսուս Քրիստոսի փրկագործությամբ
հաստատված, աստվածային խորհուրդներ են եւ առանձին մասերն են մի ընդհանուր
խորհրդի, որ ժողովրդական լեզվով «կնունք» ենք անվանում: Հայ Առաքելական
Եկեղեցին Մկրտության եւ Դրոշմի խորհուրդները կատարում է համաձայն
իր կանոնների, որոնք գրվել են Եկեղեցու սուրբ հայրերի կողմից եւ
Սուրբգրային հիմքեր ունեն: Մկրտության խորհրդի կատարումը՝ մկրտվելը,
նշանակում է լվացվել, մաքրվել, իսկ խորհրդակատարման ժամանակ ջրի
մեջ ընկղմումը կամ նրանով լվացումը խորհրդանշում է մկրտվողի մաքրվելն
իր մեղքերից: Մկրտության խորհրդի նախօրինակ է Քրիստոսի մկրտությունը
Հորդանան գետում՝ Ս. Հովհաննես Մկրտչի կողմից
ԽՈՐՀՐԴԱԿԱՏԱՐՈՒԹՅՈՒՆ ՄԱՆԿԱՏԱՆԸ
Ս.
Հակոբ եկեղեցու հոգեւոր հովիվ Տ. Վարուժան քհն. Տերտետյանի նախաձեռնությամբ,
հունվարի 16-ին, ձեռամբ Տեր Հոր եւ Տ. Ստեփանոս քհն. Ավետիսյանի,
մկրտվեցին եւ Աստծո որդեգիրները դարձան Գյումրու «Երեխաների տուն»
մանկական կենտրոնի քսանվեց սաներ: Կնքահոր պարտականությունն ստանձնեց
Ս. Հակոբի խաչքավոր Վաղինակ Դավթյանը:
«Երեխաների տան» փոքրիկները յուրահատուկ սիրո եւ ջերմության կարիք
ունեն: Այս աստվածահաճո գործը նախաձեռնելով՝ երեխաներին Քրիստոսի
Եկեղեցուն անդամակցելու նպատակ էր դրված: Մկրտությունից հետո կնքահայրը
շփվեց նորաօծ սաների հետ, նրանց փոխանցեց իր սրտի ջերմությունը:
Երեխաների օրն ուրախ գույներով լցրեցին հրավիրված հեքիաթային հերոսները:
Հատուկ շնորհակալություն Արտյոմ Խաչատրյանին՝ նախաձեռնությանն աջակցելու
համար:
ԼՈՒՍԻՆԵ ԳՐԻԳՈՐՅԱՆ
ԼՈՒՍԱՆԿԱՐՆԵՐԸ՝ 6-K ՍՈՒԴԻԱՅԻ
>>>
|
|