«FLY»-Ի
ՀԵՐԹԱԿԱՆ ԱՆԱԿՆԿԱԼԸ
ոյեմբերի
1-ին «Փյունիկ» հաշմանդամների կենտրոնում բացվեց համակարգչային դասարան,
որին աջակցել էին «FLYY» կազմակերպությունը (հիմնադիր նախագահ՝ Կարոլինա
Կուզոյան- Սամուելյան), Դամասկոսի Հայոց թեմի Առաջնորդ Տ. Արմաշ
եպս. Նալբանդյանը եւ երջանկահիշատակ Արշալույս Թասմաջյանի ընտանիքը:
Բացման արարողությանը երաժշտական ողջույնով հանդես եկան Կարա-Մուրզայի
անվան պետական երաժշտական քոլեջի սաները՝ տնօրեն Մարիա Կարապետյանի
գլխավորությամբ:
Համագործակցությունը
«Փյունիկ»-ի հետ նոր չէ: Դեռ ամիսներ առաջ «FLY»-ի օգնությամբ «Փյունիկ»-ում
ամառային ճամբար էր կազմակերպվել, որին մասնակցեցին, անապահով եւ
հաշմանդամություն ունեցող, ութսունից ավելի երեխաներ: Բացի այդ ամիսներ
շարունակ «FLY»-ը լուծեց նաեւ հաշմանդամություն ունեցող անձանց տեղափոխության
խնդիրը՝ ֆինանսական միջոցներ տրամադրելով դիզվառելիքի համար:
Սա դեռ ամենը չէ: Սոցիալականից սլաքն ուղղվեց դեպի կրթական ծրագրեր:
«FLY»-ը տեղեկանալով, որ երեխաները չունեն համակարգիչներ, որոշեց
խնդիրը լուծել՝ այդ կերպ հավասար պայամաններ ստեղծելով բոլոր երեխաների
համար:
Որպես երախտիքի դրսեւորում՝ «FLY» կազմակերպության համար կազմաերպվել
էր միջոցառում: Երեխաների կատարումները նվիրված էին «FLY»-ի մեծ
թիմին, որի հիմնական գործունեությունն ուղղված է երեխաների կյանքը
թեթեւացնելուն եւ անհոգ դարձնելուն:
Համակարգիչներից
կօգտվեն երեսունից ավելի երեխաներ: Սա մեծ հնարավորություն է տեսողական
խնդիրներ ունեցող երեխաների համար: Տեղադրված «Ջոյս» ծրագիրը հնարավորություն
կտա տեսողական խնդիրներով երեխաներին եւս ձեռք բերել համակարգչային
գիտելիքներ:
Դասարանն անվանակոչվել է ի հիշատակ Արշալույս Թասմաջյանի: Ծաղկեպսակներ
գնելու փոխարեն, այս նպատակով տրամադրված գումարն ուղղվել է «FLY»
կազմակերպություն: Նախաձեռնությունն ամերիակահայերինն էր: «FLY»-ի
ներկայացուցիչներն էլ, որպես մնայուն ու օգտակար գործ, որոշեցին
այդ գումարով բացել համակարգչային դասասենյակ: Սա տասնյակ մարդկանց
բարի կամքի դրսեւուրումն էր: Իսկ Արշալույս Թասմաջյանի հիշատակը
միշտ վառ կմնա փյունիկցիների սրտերում:
Դասարանի բացման առիթով «Փյունիկ»-ի սաներն իրենց սրտի խոսքն ու
երախտիքը հայտնեցին «FLY» կազմակերպությանը եւ աջակիցներին:
ԱՐՄԻՆԵ ՄԱՐԳԱՐՅԱՆ
>>>
|
|