Ընթացիկ համար

Քեզ համար   

Մանուկներին

Արխիվ

Քարոզները

Բացիկներ

ԱՍՏՎԱԾԱՇՈՒՆՉԸ ԲՈԼՈՐԻ ՀԱՄԱՐ

ոկտեմբերի 30-ին Շիրակի թեմի սոցիալ-կրթական կենտրոնում հյուրընկալեցինք Հայաստանի Աստվածաշնչային Ընկերության ծրագրերի բաժնի տնօրեն Արշավիր Գաբուճյանին, ով մեր կենտրոնի եւ համագործակից կառույցների լսողական խնդիրներ ունեցող անձանց նվիրաբերեց Ղուկասի Ավետարանի DVD տարբերակը, ուր ժեստերի լեզվով ներկայացվում է Աստվածաշունչը:

Հայաստանի Աստվածաշնչային ընկերությունը հիմնադրվել է 1991 թվականին՝ երջանկահիշատակ Վազգեն Ա Ամենայն Հայոց Կաթողիկոսի եւ Միացյալ Աստվածաշնչային ընկերությունների ներկայացուցիչների կողմից, համաձայնության հուշագրի ստորագրությամբ, որը միտված է Հայաստանում Աստվածաշնչի թարգմանությանը, հրատարակությանն ու տարածմանը: Աստվածաշնչային ընկերությունն իր առաքելությունն իրականացնում է քրիստոնյա բոլոր Եկեղեցիների եւ քրիստոնեական կազմակերպությունների հետ համագործակցությամբ:

Ընկերությունը ծավալում է նաեւ Սուրբ Գրքին առնչվող գրականության թարգմանական աշխատանքներ՝ հարստացնելու համար Աստվածաշնչի մասին ընթերցողի գիտելիքները:

Հանդիպման ավարտին ներկաներն ստացան նաեւ հիգիենայի պարագաներ սոցիալ-կրթական կենտրոնի կողմից:

ՍՈՑԻԱԼ-ԿՐԹԱԿԱՆ ԿԵՆՏՐՈՆ

>>>