«ԱՄԱՌԱՅԻՆ
ԴՊՐՈՑ-2018»-Ի ՀԱԳԵՑԱԾ ԱՌՕՐՅԱՆ
մառային
արձակուրդների միապաղաղ ու հոգնեցնող առօրյան ամենեւին չի վերաբերում
սոցիալ-կրթական կենտրոնի «Ամառային դպրոց-2018»-ի սաներին, որոնց
համար ամառային հանգիստը նոր ընկերների, գիտելիքների եւ տպավորությունների
ձեռքբերման ժամանակահատված է:
Կենտրոնի բանիմաց եւ հմուտ մանկավարժ-կամավորների ջանքերով երեխաների
յուրաքանչյուր օրն իսկական տոնի է վերածվում: Պարապմունքներ են անցկացվում
գրեթե բոլոր առարկաներից՝ մայրենի լեզու, մաթեմատիկա, ռուսերեն,
անգլերեն, ֆրանսերեն: Դասավանդումն իրականացվում է հատուկ ինտերակտիվ
մեթոդներով, որոնք հնարավորություն են տալիս զուգորդել հանգիստն
ու ուսուցումը:
Առանձնակի
աշխուժություն է տիրում կենտրոնում երգի, պարի եւ մարմնամարզության
ժամերին, իսկ գիտելիքների բացը գալիս են լրացնելու էթիկայի եւ շախմատի
դասերը: Երեխաներն ունեն նաեւ ընթերցանության եւ ձեռքի աշխատանքի
համար նախատեսված ժամեր: Որպեսզի հանգիստը լիակատար լինի, կենտրոնի
զով դահլիճում մեր սաները դիտում են, հատուկ իրենց տարիքի համար
նախատեսված, ուսուցողական եւ ժամանցային ֆիլմեր:
Էլ ի՞նչ ամառ առանց խաղերի. բազմաբնույթ մրցութային եւ ճանաչողական
խաղերն ամառային ժամանցի լավագույն ուղեկիցներն են: Բոլոր պարապմունքների
համար իրականացվում են խմբային բաժանումներ՝ ըստ տարիքի, գիտելիքների
պաշարի եւ նախասիրությունների: Երեխաները մտերմացել են՝ դառնալով
անբաժանելի ընկերներ:
«Ամառային դպրոց-2018»-ը, շնորհիվ սոցիալ-կրթական կենտրոնի նվիրյալ
կամավորների, իսկական մեծ, համերաշխ եւ ուրախ ընտանիք է կենտրոնի
ներսում:
ՍՈՑԻԱԼ-ԿՐԹԱԿԱՆ ԿԵՆՏՐՈՆ
>>>
|
|