«ՍՈՒՐԲ
ՀԱԿՈԲ» ԿԻՐԱԿՆՕՐՅԱՅԻ ՍԱՆԸ ՁԵՌՆՈՒՆԱՅՆ ՉՎԵՐԱԴԱՐՁԱՎ
Մայ
Աթոռի Քրիստոնեական դաստիարակության կենտրոնի նախաձեռնությամբ այս
տարի առաջին անգամ կազմակերպվել էր օլիմպիադա կիրակնօրյա դպրոցների
սաների միջեւ: Մասնակցում էին մեր Եկեղեցու հայաստանյան թեմերի ութսուն
կիրակնօրյա դպրոցների 10-12 տարեկան սաները:
Մայր
Աթոռում կիրակնօրյա դպրոցների աշակերտներին նախ հյուրնկալեց Ամենայն
Հայոց Կաթողիկոսը: «Մեր նպատակն է, որ ճանաչեք քրիստոնեական արժեքները,
դրանցով ապրեք ձեր կյանքը, քայլեք Աստծո ուղենշած ճանապարհով, քանի,
որ ամեն բարիք Աստծուց է»,- մասնակիցներին ասաց Հայոց Հայրապետը
եւ իր հայրապետական օրհնությունը բաշխեց նրանց:
Օլիմպիադայի արդյունքներն ամփոփվեցին օրվա ավարտին: Լավագույններն
արժանացան պատվոգրերի:
Շիրակի թեմից օլիմպիադային մասնակցեցին երեք կիրակնօրյաների սաներ,
այդ թվում նաեւ «Ս. Հակոբ» կիրակնօրյայից Մերի Ապրիկյանը, ում ուղեկցում
էր ուսուցչուհին` Սեդա Մարտիրոսյանը: Մեր մասնակիցը վերադարձավ անչափ
տպավորված եւ իհարկե պատվոգրով: Մերիի հաղթանակը նշելու համար հունիսի
5-ին «Ս. Հակոբ» կիրակնօրյայի սաները մեկտեղվել էին՝ տոնական տորթի
շուրջ: Երեխաները շնորհավորեցին իրենց ընկերուհուն, հնչեցին շատ
բարեմաղթանքներ:
Այս միջոցառմանն ամենից շատ հուզված էր Մերի Ապրիկյանի մայրը, ով
նշեց, որ բազում առիթներ է ունեցել հպարտանալու իր աղջկա առաջադիմություններով,
բայց կիրակնօրյայի սան իր դստեր հաջողությունն անչափ ուրախացրել
է իրեց ընանիքի անդամներին: «Ուրախ եմ, որ աղջիկս մեծանում է իրապես
կրթված քրիստոնյա եւ բարեպաշտ հավատացյալ»,- ասաց տիկին Լիանան:
Սուրբ Հակոբ եկեղեցու մշակութային բաժնի պատասխանատու Լուսինե Գրիգորյանը
անակնկալ էր պատրաստել. Մերին նվեր ստացավ իր առաջին Աստվածաշունչը:
ԼՈՒՍԻՆԵ ԳՐԻԳՈՐՅԱՆ
>>>
|
|