ՍՈՒՐԲ
ԵՂԻԱ ՄԱՐԳԱՐԵԻ ԵՐԿԻՆՔ ՀԱՄԲԱՐՁՎԵԼԸ
ուրբ
Եղիա մարգարեն երկինք համբարձվեց Ն.Ք. 9-րդ դարում: «Երբ Տերը Եղիային
պտտահողմով երկինք էր բարձրացնելու, Եղիան ու Եղիսեն գնացին Գաղգաղա:
Եղիան ասաց Եղիսեին. «Դու այստեղ նստիր, քանզի Տերն ինձ Բեթել է
ուղարկում»: Եղիսեն ասաց. «Կենդանի է Տերը, եւ կենդանի է քո անձը,
եւ ես քեզ չեմ լքի»:
Երբ
նրանք եկան Բեթել, այստեղ գտնվող մարգարեների որդիներն այցելեցին
Եղիսեին եւ հարցրին. «Գիտե՞ս, որ այսօր Տերը քո տիրոջը քո մոտից
տանելու է»: Նա պատասխանեց. «Գիտեմ, լուռ մնացեք»: Եղիան ասաց Եղիսեին.
«Դու այստեղ նստիր, քանզի Տերն ինձ Երիքով է ուղարկում»: Եղիսեն
պատասխանեց. «Քանի կենդանի է Տերը եւ կենդանի է քո անձը, ես քեզ
չեմ լքի»:
Երբ նրանք եկան Երիքով, այնտեղ գտնվող մարգարեների որդիները մոտեցան
Եղիսեին եւ ասացին. «Գիտե՞ս, որ այսօր Տերը քո տիրոջը քո մոտից տանելու
է»: Նա ասաց. «Գիտեմ. լուռ մնացեք»: Եղիան ասաց նրան. «Դու այստեղ
նստիր, քանզի Տերն ինձ Հորդանան է ուղարկում»: Եղիսեն ասաց. «Քանի
կենդանի է Տերը, եւ քանի կենդանի է քո անձը, ես քեզ չեմ լքի»:
Եվ նրանք երկուսով գնացին: Մարգարեների որդիներից հիսուն հոգի գնաց
եւ կանգնեց հեռվում՝ Եղիայի եւ Եղիսեի դիմաց, իսկ սրանք երկուսով
կանգնել էին Հորդանանի եզերքին: Եղիան առավ իր մորթե վերարկուն,
ծալեց ու խփեց ջրերին: Ջրերն իրարից հեռացան այս ու այն կողմ, եւ
երկուսով անցան:
Եղիան ասաց Եղիսեին. «Խնդրիր, ի՞նչ անեմ քեզ համար, քանի դեռ քեզնից
չեմ բաժանվել»: Եղիսեն ասաց. «Թող քո հոգու կրկնապատիկն ինձ վրա
լինի»: Եղիան ասաց. «Դժվար բան խնդրեցիր, բայց եթե քեզնից համբառնալու
ժամանակ ինձ տեսնես, այդպես թող լինի, ապա թե ոչ, թող չլինի»:
Մինչ նրանք քայլում էին, մի հրեղեն կառք ու հրեղեն երիվարներ երեւացին,
նրանց միմյանցից բաժանեցին, եւ Եղիան մրրիկի մեջ երկինք վերացավ
(Դ Թագավորներ Բ 1-11):
>>>
|
|