«ՏՐՏՄԱԾ
ԲՆՈՒԹԵԱՆՍ ՈՒՐԱԽՈՒԹԻՒՆ, ԲԵՐԿՐԵԱԼ
ԿՈՅՍ ՄԱՐԻԱՄ»
«Անժամանակը Հորից եւ անմարմին ծոցածին ծնունդը Այսօր
Գաբրիելի ավետումով մարմնանում է Սուրբ Կույսից»:
ՇԱՐԱԿՆՈՑ
այ
Առաքելական Եկեղեցին Աստվածածնին նվիրված յոթը տոն ունի, ի թիվս
որոնց Ս. Կույսի Ավետումն է, որ տոնախմբվում է ապրիլի 7-ին:
Տիրամայրը պսակն է բոլոր Սրբերի, մայրը եւ ծնողը արդարների, թագուհին
հրեշտակների եւ համայն մարդկության: Նրա միջոցով տեսանելի դարձավ
դեպի Կենաց Ծառը տանող ճանապարհը: Նրա միջնորդությամբ կրկին բացվեցին
դրախտի դռները, որպեսզի արդարները վարձատրվեն Տիրոջ կողմից:
Աստվածամոր հեզությունն ու խոնարհությունը բոլոր ժամանակներում օրինակ
է հանդիսացել ամենքին: Հրեշտակապետի ավետմամբ Մարիամը տեղեկացավ,
որ ընտվել է Մեսիայի մայր, պետք է ունենա որդի եւ անունը Հիսուս
դնի, Ով լինելու է ողջ մարդկության Փրկիչն ու երկնքի արքայության
հավիտենական Թագավորը:
Մարիամն իր զարմանքը թերահավատությամբ չդրսեւորեց, այլ ճիշտ հակառակը:
Նա իր շնորհընկալ անձն ընծայաբերեց աստվածային կամքի կատարմանը՝
ցուցաբերելով կատարյալ հնազանդություն ու խոնարհություն. «Ահավասիկ
ես մնում եմ Տիրոջ աղախինը, թող քո խոսքի համաձայն լինի ինձ» (Ղուկ.
Ա 38):
Բանը երկնքից երկիր իջավ, մարմնացավ Կույսից՝ մեղավորներիս փրկության
համար: Սա ուրախության, Աստծո մարդեղության ավետման տոնն է: Աստծո
Որդին դարձավ մարդու որդի ճշմարտապես եւ ոչ թե երեւութապես: Սուրբ
Կույս Աստվածածնից սկզբնավորվեց Անսկիզբը, Անժամանակը ժամանակի մեջ
սահմանափակվեց, Տերը ծառայի կերպարանք առավ:
Հայտնի դարձավ Աստծո անբավ իմաստությունը, որը միջոց գտավ վերականգնելու
ադամական անկյալ վիճակը: Ինչպես նաեւ հայտնի դարձավ Աստծո անչափելի
մարդասիրությունը, քանզի ինչ որ չարեց հրեշտակների համար, արեց մարդկանց
համար. «Աստված այնքան սիրեց աշխարհը, որ մինչեւ իսկ Իր միածին Որդուն
տվեց…» (Հովհ. Գ 16): Տիրամայրն արժանի է իրեն ընծայված բոլոր պատիվներին
ՍՈՒՐԲ ՊԱՏԱՐԱԳ Ս. ԱՍՏՎԱԾԱԾԻՆ ԵԿԵՂԵՑՈՒՄ
Հայոց եկեղեցիներում ապրիլի 7-ին վերստին ղողանջեցին զանգերը, եւ
վերստին մեզ ազգովի առիթ ընձեռվեց ծնրադրել Տիրամոր առջեւ, աղոթել
ու հայցել նրա բարեխոսությունը: Գիշերային եւ առավոտյան ժամերգություններից
հետո առաջնորդանիստ Ս. Աստվածածին մայր եկեղեցում, Ավետման տոնի
ուրախ առիթով, մատուցվեց Սուրբ եւ անմահ Պատարագ: Օրվա պատարագիչն
ու քարոզխոսն էր Տ. Հովհաննես քհն. Ալեքսանդրյանը:
Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի բարձր տնօրինությամբ
Ս. Ավետման տոնը հռչակվել է մայրերի օրհնության օր: Այդ առիթով հայոց
բոլոր եկեղեցիներում կատարվում է, մայրության բերկրանքին սպասող,
կանանց օրհնության հատուկ կարգ, որպեսզի ամենաօրհնյալի՝ Ս. Աստվածամոր
բարեխոսությամբ օրհնվեն հայոց ընտանիքները՝ հավատարիմ մնալով Եկեղեցու
սրբազան ավանդությանն ու դավանանքին:
Օրհնության կարգ կատարվեց նաեւ Շիրակի թեմի եկեղեցիներում, այդ թվում
եւ առաջնորդանիստ Սուրբ Աստվածածնում:
ԱԼՎԱՐԴ ԿԱՂԶՎԱՆՑՅԱՆ
>>>
|
|