ՄԵՆԹԱԼ
ԹՎԱԲԱՆՈՒԹՅՈՒՆ. ՀԱՋՈՂԱԿ ԼԻՆԵԼՈՒ
ՃԱՊՈՆԱԿԱՆ ԳԱՂՏՆԻՔԸ
արդկային
մտավոր կարողությունների արտահայտումը սահմանափակող շրջանակների
վերացումը, այլ կերպ ասած՝ ավելիին ու կատարելությանը հասնելու բոլոր
ժամանակների բաղձալի ձգտումը տարբեր քաղաքակրթությունների իմաստուններին
մղել է ելքեր փնտրել եւ լուծումներ գտնել:
Այդպիսի
մի լուծում է մենթալ թվաբանության ճապոնական մեթոդը, ինչն օգնում
է զարգացնել երեխաների մտավոր ունակությունները, ձեւավորել արագ
կողմնորոշվելու կարողություն, մտքի ճկունություն եւ հետագայում մրցունակ
մասնագետ դառնալու իրական հնարավորություն է տալիս: Այս մեթոդը վարժեցնում
է երեխաների տեսողական հիշողությունը, նպաստում մտավոր կարողությունների
բացահայտմանն ու ուշադրության կենտրոնացմանը:
Մենթալ թվաբանության պարապմունքներին հաճախելու հնարավորություն
ունեն նաեւ գյումրեցի երեխաները: 2018 թվականի հունվարից Շիրակի
թեմի սոցիալ-կրթական կենտրոնի հյուրընկալ հարկի տակ գործում է «Կառլ
Գաուս» զարգացման կենտրոնը: Մանկավարժ Աննա Կարապետյանը կարեւորում
է այն հանգամանքը, որ մեթոդն օգնում է երեխաների աշխարհըմբռնման
եւ այլընտրանքային մտածելակերպ ձեւավորելու հարցում:
Կենտրոն կարող են հաճախել 5-13 տարեկան թվաճանաչ երեխաներ, ովքեր
թվերի միջոցով բացահայտելու են բոլորովին մեկ այլ՝ նոր եւ գունագեղ
աշխարհ:
ԵՍԹԵՐ ԳՐԻԳՈՐՅԱՆ
>>>
|
|