ՁԵԶ
ԲԱՐԵԿԵՆԴԱՆ, ՄԵԶ ԲԱՐԻ ԶԱՏԻԿ
ետրվարի
11-ին սոցիալ-կրթական կենտրնի աշխատակազմն ու կամավորները, Շիրակի
թեմի բարեխնամ Առաջնորդ Գերաշնորհ Տ. Միքայել եպս. Աջապահյանի օրհնությամբ
եւ գլխավորությամբ, տոնեցին Բուն Բարեկենդանը:
Միջոցառումը համեմված էր ծիսական երգերով ու պարերով, կատակներով,
ինչպես հայոց հնավանդ, այնպես էլ ժամանակակից խաղերով: Կենտրոնի
կամավորներ Նադեժդա Ավետիսյանն ու Լիլիթ Մուրադյանը ողջունեցին ներկաներին
ավանդական կոչով. «Ահա եկավ հայոց ազգին օրերը, հանեցեք հիները հագեք
նորերը…», ապա բաժանեցին ծիսական յուղն ու բրինձը:
Մանուկների
զվարթ խինդ ու ծիծաղով լեցուն՝ ներկայացվեցին ազգային պարեր ու Բարեկենդանին
հատուկ ծիսական երգեր՝ «Սոխ ու սխտոր ծեծելուց» մինչեւ «Մախմուր
աղջիկ» ու «Թամզարա»: Ավարտին ներկա փոքրերին, ինչու չէ նաեւ մեծերին
ներկայացվեց Բարեկենդանի տիկնիկային ներկայացում. երեխաներին ողջունեցին
Ուտիս տատն ու Աքլատիզը:
Միջոցառումը նախնյաց արմատներին վերադառնալու հաջողված փորձ էր,
ապացույց, որ հայոց ազգայինը, ծիսականն ու ավանդականը երբեք չեն
հնանում, քանզի զորեղ են, գեղեցիկ, իմաստավորված ու մնայուն:
ԵՍԹԵՐ ԳՐԻԳՈՐՅԱՆ
>>>
|
|