«ԽՆԴՐԵՍՑՈՒՔ
ՀԱՒԱՏՈՎ Ի ՀՕՐԷ ՎԱՍՆ ՔԱՒՈՒԹԵԱՆ ՄԵՂԱՑ
ԵՒ ԹՈՂՈՒԹԵԱՆ ՅԱՆՑԱՆԱՑ…»
ԵՊԻՍԿՈՊՈՍԱԿԱՆ ՍՈՒՐԲ ՊԱՏԱՐԱԳ ՍԱՐԱԳՅՈՒՂՈՒՄ
եծ
Պահքի շրջանում եւս թեմակալ Առաջնորդը շարունակում է հովվական այցերով
լինել գյուղական համայնքներում, մատուցել Սուրբ եւ անմահ Պատարագ՝
բարեպաշտ ժողովրդին այս կերպ հաղորդակից դարձնելով մեր Տիրոջ՝ Հիսուս
Քրիստոսի ուսուցումներին:
Մեծ
Պահքի երկրորդ կիրակին մեր Եկեղեցին կոչել է Արտաքսման: Այն մեզ
հիշեցնում է, անհնազանդության պատճառով, Ադամի դրախտից արտաքսման,
ինչպես նաեւ մեղքի ու մահվան դառնության ճաշակման մասին եւ փաստում
Քրիստոսի միջոցով մարդու՝ դրախտին կրկին արժանանալու հանգամանքը:
Փետրվարի 18-ին Շիրակի թեմի բարեխնամ Առաջնորդ Տ. Միքայել եպս. Աջապահյանն
իր հերթական օրհնաբեր այցը կատարեց Աշոցք համայնքի Սարագյուղ, որը
գտնվում է Գյումրիից 47 կմ հյուսիս արեւմուտք:
ԳՅՈՒՂԻ ՊԱՏՄՈՒԹՅՈՒՆԻՑ
Սարագյուղը ¥նախկինում՝ Դարագյուղ, Դարաքենդ, Դարաքյոյ¤ գտնվում
է Աշոցքի հյուսիսային կողմում, Ծաղկաշեն գետի մոտ, Ջավախքի լեռնաշղթայի
արեւմտյան լանջին: Սարագյուղ է վերանվանվել 1946 թվականի նոյեմբերի
12-ին: Գտնվում է սարալանջի վրա՝ շրջապատված քարքարոտ լեռնալանջերով
եւ արգավանդ սեւահողային դաշտերով:
Բնակիչների
նախահայրերը եկել են Ալաշկերտից ¥1873 թ.¤, Մուշից, Էրզրումից 1915-20
թթ.: Այդ ժամանակ գյուղն ուներ 135 հայ բնակիչ. ամենաբարձր ցուցանիշը՝
468-ը գրանցվել է 1931-ին: Ծառազուրկ է, կլիման՝ ցուրտ: Ջավախքին
դեմ-դիմաց գտնվող գյուղն այսօր ունի լուրջ հիմնախնդիրներ, որոնցից
մեկն էլ եկեղեցու բացակայություն է:
Հին գյուղատեղում եղել է անշուք եկեղեցի, որը կանգուն էր մինչեւ
1960 թվականը: Գյուղն ուներ նաեւ հոգեւոր հովիվ՝ Տ. Մկրտիչ քհն.
Իգիթյանը: Աղոթատնից այսօր միայն ավերակներ են մնացել:
Սարագյուղցիները հիմնականում զբաղվում են անասնապահությամբ: Այժմ
այստեղ ապրում է 30 ծուխ՝ 120 բնակչով: Հավելենք նաեւ, որ 2017 թվականի
հուլիսի 22-ին, հանդիսապետությամբ Շիրակի թեմի Առաջնորդ Տ. Միքայել
եպս. Աջապահյանի, կատարվեց գյուղում կառուցվելիք եկեղեցու հիմնօրհնեքի
հանդիսավոր արարողություն: Աղոթատունը կառուցվելու է Ն.Ս.Օ.Տ.Տ.
Գարեգին Բ Ամենայն Հայոց Կաթողիկոսի օրհնությամբ եւ նախաձեռնությամբ:
1988 թ. դեկտեմբերի 7-ի ահեղ երկրաշարժն անտարբեր չի անցել այս գյուղի
կողքով եւս: Եղել են ավերվածություններ, որոնց վերականգնման աշխատանքներին
մասնակցել են Պոլտավայի մարզի շինարարները: Ութնամյա դպրոցը կառուցվել
է 2002 թվականին ՀՍՆՆ-ի կողմից, իսկ տասը տոկոս ներդրումը կատարել
է «Վարդանանց ասպետներ եւ դուստրեր» կազմակերպությունը:
ԴԻՄԱՎՈՐՈՒՄ ԱՂ ՈՒ ՀԱՑՈՎ
Չնայած
անբարենպաստ եղանակին եւ տեղացող ձյանը, Առաջնորդ Սրբազան Հոր օրհնաբեր
այցելությանն անհամբերությամբ էին սպասում ութնամյա դպրոցի բակում
հավաքված սարագյուղցիները: Պատմության մեջ առաջին անգամ Սարագյուղում,
այն էլ հիմնական դպրոցում, մատուցվելու էր եպիսկոպոսական Սուրբ եւ
անմահ Պատարագ:
Թեմակալ Առաջնորդին դպրոցի բակում դիմավորեցին ավանդական աղ ու հացով:
Դիմավորողների թվում էին Աշոցք համայնքի հոգեւոր հովիվ Տ. Հարություն
քհն. Պետրոսյանը, դպրոցի տնօրեն Գինեվարդ Հակոբյանը, ուսուցչական
կազմը եւ աշակերտները:
ՍՈՒՐԲ ԵՎ ԱՆՄԱՀ ՊԱՏԱՐԱԳ
ՄՈՒՏՔ «ՀՐԱՇԱՓԱՌ»-ՈՎ
Միքայել Սրբազանը «Հրաշափառ»-ի հոգենորոգ երգեցողությամբ մուտք գործեց
դպրոցի հանդիսությունների սրահ, ուր, Արտաքսման կիրակիի առիթով,
մատուցվեց Սուրբ եւ անմահ Պատարագ՝ ձեռամբ Տ. Միքայել եպս. Աջապահյանի:
Հընթացս սրբազան արարողակարգի՝ «Հայր մեր»-ից առաջ, օրվա խորհուրդը
մեկնեց եւ հավուր պատշաճի քարոզ խոսեց պատարագիչ Սրբազան Հայրը՝
առանձնակի շեշտելով Մեծ Պահքի կարեւորությունն ու նշանակությունը
հավատացյալների կյանքում:
Առաջնորդ
Սրբազանն ի մասնավորի ասաց. «Մեծի Պահոց շրջանի երկրորդ կիրակին
մեր Եկեղեցին անվանում է Արտաքսման կիրակի եւ մեզ հրավիրում խորհրդածել
այն իրողության շուրջ, որ կար ժամանակ, երբ մեր նախահայրն ու նախամայրը՝
Ադամն ու Եվան, դրախտում էին, երանության մեջ եւ ոչ մի բանի կարիք
չունեին: Ամեն ինչ նրանց տրված էր ի վերուստ: Եվ ընդամենը չպետք
է ուտեին չարի եւ բարու գիտության ծառից: Բայց մարդն այդ ամբողջ
շքեղությունը թողեց եւ արգելված ծառի արգելված պտուղը ճաշակեց:
Եկեղեցին ասում է, որ այս երեւույթը հենց պահքի հաստատումն է…: Ազատությունը
մարդուն տրված մեծագույն շնորհն է, բայց այդ մեծագույն շնորհը մարդու
համար կարող է լինել երջանկության առիթ եւ կարող է լինել դժբախտության
առիթ: Նայած, թե մարդն ինչպես է օգտագործում այն: Մարդն ունի հնարավորություն
դրախտային երանական կյանքին վերադառնալու…»:
Այնուհետեւ Միքայել Սրբազանը հավելեց. «Տերը մեզ պատգամում է միշտ
պատրաստ լինել Իրեն դիմավորելուն: Չպետք է նմանվենք այն չար երեխային,
ով ինչ որ բան կոտրել է եւ ահուդողով սպասում է, որպեսզի հայրը վերադառնա
աշխատանքից եւ իրեն պատժի… Պիտի սպասենք իբրեւ հավատարիմ զավակներ,
որ ոչինչ չենք արել ամաչելու համար:
Աստված կամենում է, որ մենք հասնենք այնտեղ, որտեղից սխալմամբ դուրս
եկանք, եւ մենք պարտավոր ենք վերադառնալ: Մեծի Պահոց այս շրջանը,
որ սպասում է մեզ, ծառայեցնենք ի շահ մեր հոգիների մաքրման եւ հավուր
պատշաճի դիմավորենք Տիրոջ հրաշափառ Սուրբ Հարությունը՝ դեպի դրախտ
վերադարձի ակնկալությամբ:
Թող Աստված օրհնի ձեզ, ձեր գյուղը եւ աստվածային շնորհներն առատապես
իջնեն ձեզ վրա. ամեն»:
Հավարտ սրբազան արարողակարգի դպրոցի կողմից տրվեց հյուրասիրություն:
ԱԼՎԱՐԴ ԿԱՂԶՎԱՆՑՅԱՆ
ԼՈՒՍԱՆԿԱՐՆԵՐԸ՝ ԳԵՎՈՐԳ ՂԱԶԱՐՅԱՆԻ
>>>
|
|