ԻՆՉՈՒ
ԵՆ ՀՈՒՆՎԱՐԻ 13-ԻՆ ՆՇՈՒՄ ՀԻՆ ՆՈՐ ՏԱՐԻՆ
ին
եւ նոր տոմարներ արտահայտությունը լսում ենք հատկապես Ամանորի օրերին,
երբ խոսվում է Նոր տարին նաեւ հին տոմարով դիմավորելու մասին: Ի՞նչ
են հին եւ նոր տոմարները: Նոր տարին հունվարի 1-ին սկսեց տոնվել
Ն.Ք. 46 թվականին` Հուլիոս Կեսարի օրոք, երբ նրա կողմից գործածության
մեջ դրվեց մի նոր տոմար, որը նրա անունով կոչվեց հուլյան տոմար:
Ըստ այդ տոմարի` տարին ուներ ոչ թե 365 օր, 5 ժամ, 48 րոպե, 46 վայրկյան,
այլ 365 օր, 6 ժամ, այսինքն՝ ճշգրիտ հաշվումներով որոշված տարուց
11 րոպե 14 վայրկյանով երկար էր:
Սխալմունքը
վերացնելու նպատակով Հռոմի Գրիգոր 13-րդ պապը Եվրոպայի նշանավոր
տոմարագետներին հրավիրում է Հռոմ, որպեսզի նորը մշակեն: Բազմաթիվ
նախագծերից ընդունվում է իտալացի բժիշկ եւ աստղագետ Ալոիս Լիլիոյի
նախագիծը, որը կիրառվեց 1582 թվականի հոկտեմբերի 15ից: Քանի որ հուլյան
տոմարի 11 րոպե 14 վայրկյանի սխալը Ն.Ք. 46 թվականից մինչեւ 1582
թիվը կուտակվել դարձել էր 10 օր, այսինքն` ժամանակը 10 օր ետ էր
ընկել, ուստի սխալն ուղղելու համար որոշվեց 1582 թ. հոկտեմբերի 4-ից
հետո ոչ թե հոկտեմբերի 5-ն ընդունել, այլ` հոկտեմբերի 15-ը:
Այսպես սկսվեց նոր տոմարը, որը Հռոմի Գրիգոր պապի անունով կոչվեց
«Գրիգորյան»: Մոտ 340 տարվա ընթացքում նոր տոմարն ընդունեցին աշխարհի
գրեթե բոլոր քրիստոնյա ժողովուրդները: Վերջինն ընդունեց Եգիպտոսը
(1928 թ.), իսկ Ռուսաստանը նոր տոմարին անցավ 1918 թ. հունվարի 1-ին:
Քանի որ 1582 թվականից մինչեւ 1918 թվականը, այսինքն` 336 տարում
վերոհիշյալ 11 րոպե 14 վայրկյանը կուտակվել եւ դարձել էր 3 օր, ուստի
այդ երկրում նոր տոմարը հնից երկար էր ոչ թե 10, այլ 13 օրով: Այստեղից
էլ նոր տոմարի համեմատ հին տոմարի 13 օրվա տարբերությունը:
>>>
|
|