Լրահոսից
2 դեկտեմբերի - Տոն սրբոց առաքելոցն
եւ առաջին լուսավորչացն մերոց Թադեոսի եւ Բարդուղիմեոսի: Տոնի ուրախ
առիթով, առաջնորդանիստ Ս. Աստվածածին եկեղեցում, մատուցվեց Սուրբ
եւ անմահ Պատարագ: Օրվա պատարագիչն ու քարոզխոսն էր Տ. Հովհաննես
քհն. Ալեքսանդրյանը:
3 դեկտեմբերի - Սուրբ Յոթվերք եկեղեցում, ձեռամբ
Տ. Հովհաննես քհն. Ալեքսանդրյանի, մատուցվեց Սուրբ եւ անմահ Պատարագ:
Սրբազան արարողակարգի ընթացքում՝ «Հայր մեր»-ից առաջ, ոգեշունչ քարոզ
խոսեց պատարագիչ Տեր Հայրը:
7 դեկտեմբերի - Առաջնորդանիստ Ս. Աստվածածին եկեղեցում
մատուցվեց ոգեկոչման Սուրբ եւ անմահ Պատարագ՝ ձեռամբ Տ. Շիրակ ավ.
քհն. Առաքելյանի: Հավարտ սրբազան արարողակարգի կատարվեց հոգեհանգստյան
կարգ:
9 դեկտեմբերի - Հղություն Ս. Աստվածածնի: Տոնի
ուրախ առիթով Սուրբ Աստվածածին եկեղեցում մատուցվեց Սուրբ եւ անմահ
Պատարագ: Օրվա պատարագիչն էր Տեր Հովհաննես քհն. Ալեքսանդրյանը:
Հընթացս սրբազան արարողակարգի՝ «Հայր մեր»-ից առաջ, հոգենորոգ քարոզ
խոսեց պատարագիչ Տեր Հայրը:
10 դեկտեմբերի - Բարեկենդան Ս. Հակոբի պահոց: Սուրբ
Յոթվերք մայր եկեղեցում Սուրբ եւ անմահ Պատարագ մատուցվեց ձեռամբ
Տ. Շիրակ ավ. քհն. Առաքելյանի: Սրբազան արարողակարգի ընթացքում՝
«Հայր մեր»-ից առաջ, ոգեշունչ քարոզ խոսեց Շիրակի թեմի Առաջնորդ
Տ. Միքայել եպս. Աջապահյանը:
16 դեկտեմբերի - Տոն Սրբոցն Հակոբ Մծբնա Հայրապետի,
Մարուգե ճգնավորի եւ Մելիտոս եպիսկոպոսի: Անի թաղամասի Ս. Հակոբ
Եկեղեցում, տոնի ուրախ առիթով, մատուցվեց Սուրբ եւ անմահ Պատարագ:
Օրվա պատարագիչն էր Տ. Վարուժան քհն. Տերտերյանը: Սրբազան արարողակարգի
ընթացքում՝ «Հայր մեր»-ից առաջ, օրվան համահունչ հոգեհույզ քարոզ
խոսեց Առաջնորդ Սրբազանը՝ մեկնելով նաեւ տոնի խորհուրդը:
17 դեկտեմբերի - Սուրբ Յոթվերք մայր եկեղեցում,
ձեռամբ Տ. Թաթուլ ավ. քհն. Հակոբյանի, մատուցվեց Սուրբ եւ անմահ
Պատարագ: Հընթացս սրբազան արարողակարգի՝ «Հայր մեր»-ից առաջ, հանգամանալից
քարոզ խոսեց պատարագիչ Տեր Հայրը:
Նույն օրն Ավստրիական թաղամասում գտնվող Ս. Հռիփսիմե մատուռում,
ձեռամբ Տ. Արսեն ավ. քհն. Սիմոնյանի, մատուցվեց Սուրբ եւ անմահ Պատարագ:
Սրբազան արարողակարգի ընթացքում՝ «Հայր մեր»-ից առաջ, ոգեշինիչ քարոզ
խոսեց Շիրակի թեմի Առաջնորդ Տ. Միքայել եպս. Աջապահյանը:
24 դեկտեմբերի - Սուրբ Յոթվերք եկեղեցում մատուցվեց
Սուրբ եւ անմահ Պատարագ: Օրվա պատարագիչն էր Տ. Հովհաննես քհն. Ալեքսանդրյանը:
Սրբազան արարողակարգի ընթացքում՝ «Հայր մեր»-ից առաջ, օրվա խորհուրդը
մեկնող քարոզ խոսեց պատարագիչ Տեր Հայրը:
Նույն օրը Շիրակի թեմի Առաջնորդ Տ. Միքայել եպս. Աջապահյանը, հերթական
հովվական այցով, եղավ Աշոցք համայնքի Կարմրավան գյուղում եւ հանրակրթական
դպրոցի հանդիսությունների սրահում մատուցեց եպիսկոպոսական Սուրբ
եւ անմահ Պատարագ:
31 դեկտեմբերի - Առաջնորդանիստ Ս. Յոթվերք եկեղեցում
մատուցվեց Սուրբ Պատարագ՝ ձեռամբ Տ. Շիրակ ավ. քհն. Առաքելյանի:
Սրբազան արարողակարգի ընթացքում՝ «Հայր մեր»-ից առաջ, օրվան պատշաճող
հոգենորոգ քարոզ խոսեց Առաջնորդ Սրբազանը:
>>> |
|