ՈՒՍ-ՈՒՍԻ
ԱՎԵԼԻ ՈՒԺԵՂ
եկտեմբերի
5-ը կամավորների միջազգային օրն է, ովքեր գործում են հանուն տնտեսական
եւ սոցիալական զարգացման:
Այն հաստատվել է ՄԱԿ-ի կողմից եւ 1985 թվականից հանդիսանում է միջազգայնորեն
նշվող օր: Ամբողջ աշխարհում միլիոնավոր մարդիկ, մի կողմ դրած առօրյա
հոգսն ու գումար վաստակելու մոլուցքը, օգնում են կարիքի մեջ գտնվողներին,
կատարում անվարձահատույց ու անշահախնդիր աշխատանք:
Շիրակի
թեմի սոցիալ-կրթական կենտրոնը չէր կարող շրջանցել Հայաստանում նշվող
կամավորների միջազգային օրը, քանի որ բարությունն արժանի է գովասանքի
եւ շնորհակալության:
«Ուս-ուսի՝ ավելի ուժեղ» խորագիրն ունեցող միջոցառման ընթացքում,
որն անցկացվեց հենց դեկտեմբերի 5-ին, կամավորներից յուրաքանչյուրին
ձոնվեցին բանաստեղծություններ, ներկայացվեցին տեսահոլովակներ, ինչպես
նաեւ կազմակերպվեցին ժամանցային խաղեր: Միջոցառման ավարտին կենտրոնն
իր կամավորներին հանձնեց անակնկալ նվերներ եւ շնորհեց կոչումներ:
«Տարվա լավագույն կամավոր» անվանակարգը տրվեց Անի Սագսյանին՝ բարեխիղճ,
նվիրված, կարեկից, աշխատասեր եւ ստեղծագործ կամավորին:
Սոցիալ-կրթական կենտրոնը շնորհավորում է կամավորներին՝ տոնի առիթով
եւ շնորհակալություն հայտնում համայնքանվեր գործունեության համար:
Ձեր աշխատանքը շատ կարեւոր է ,
Ի վերջո դուք փոխում եք աշխարհը,
Եվ ոչ բոլորը կարող են կամավոր լինել:
>>>
|
|