ԹՌԻՉՔԻ
ՎԵՀՈՒԹՅՈՒՆԸ
եծանուն
ազնվականը տարվեց բազեի որսով: Մի անգամ նրա մոտ ծառայող որսորդն
անտառից բազեի փոքր ձագ բերեց: Դուքսը մեծացրեց ձագուկին եւ տվեց
որսապետին, որպեսզի վարժեցնի նրան: Թռչունը մեծացավ, ուժեղ ու գեղեցիկ
բազե դարձավ: Միայն թե ոչ ոք նրան երկնքում չէր տեսել: Նա ողջ օրն
անցկացնում էր այն ճյուղին նստած, որի վրա հայտնվել էր դեռեւս ձագուկ
ժամանակ:
Դուքսը
սիրում էր պատշգամբից հետեւել որսորդական թռչունների վարժանքներին:
Որսապետն իր գործը հրաշալի գիտեր. լավ վարժեցված արծիվներն ու ուրուրները
ճախրում էին երկնքում, միայն սիրելի բազեն առաջվա պես չէր լքում
իր տեղը:
Բարկացած ազնվականը սուրհանդակներ ուղարկեց իր կալվածքների բոլոր
ծայրերը՝ հրամայելով գտնել այն մարդուն, ով բազեին թռչել կսովորեցնի:
Մի անգամ դուքսը դուրս եկավ պատշգամբ եւ երկնքում տեսավ սիրելի թռչունին:
Նա անչափ ուրախացավ եւ հրամայեց անմիջապես իր մոտ բերել նրան, ով
այդ հրաշքը գործել էր: Քիչ անց մի հասարակ գյուղացի ներս մտավ: Զարմացած
ազնվականը հարցրեց.
-Քեզ ինչպե՞ս հաջողվեց նրան թռչել ստիպել:
-Դա դժվար չէր, Ձերդ գերազանցություն,- պատասխանեց գյուղացին,- ես
ընդամենը կտրեցի այն ճյուղը, որի վրա նստած էր բազեն: Վարժված տեղից
զրկվելով՝ նա հիշեց, որ թեւեր ունի եւ թռավ:
Մեր մեջ էլ կան մարդիկ, որ նստել ու ամուր կառչել են իրենց «ճյուղին»,
եւ չեն էլ պատկերացնում, որ թեւեր ունեն: Երբեմն տեղի ունեցող իրադարձությունները
կոտրում են հուսալի հենարանն ու մարդիկ հիշում են, որ թռչել գիտեն:
Միգուցե մեզնից շատերին պետք է «ճյուղը» կտրե՞լ, որպեսզի զրկվենք
տաքուկ ու հուսալի տեղից եւ ստիպված լինենք թռչել: Խնդիրներն ու
տհաճությունները երբեմն մեր կյանք են գալիս ոչ թե կոտրելու, այլ
թռչել ուսուցանելու համար…
>>>
|
|