ԱՄԱՆՈՐՅԱ
ՀԵՔԻԱԹ ՀԱՄԱՆՈՒՆ ՆԱԽԱԿՐԹԱՐԱՆՈՒՄ
եկտեմբերի
22-ը տոնական էր սոցիալ-կրթական կենտրոնի «Հեքիաթ» նախակրթարանի
սաների համար. այդ օրը նրանց տարեմուտի հանդեսն էր:
Նախակրթարանի
մանկավարժ Անահիտ Առաքելյանի եւ նրա օգնական կամավորների գեղագիտական
երեւակայությունն ու ջանքերն իրենց արդյունքն էին տվել. «Հեքիաթի»
երեխաները «հայտնվել» էին հեքիաթում: Հեքիաթն էլ չնայած բոլորին
հայտնի «Կարմիր գլխարկն» էր, սակայն, մանկավարժների ու փոքրիկների
շնորհիվ, ներկայացվեց նորովի եւ անակնկալ լուծումներով:
Ամանորյա անտառում միջավայրը ջերմ էր ու ցանկալի: Հեքիաթցիները «վերածվել»
էին բարի գազանիկների, իսկ, չար գայլի փոխարեն, երեխաներին ու հյուրերին
ողջունեց, ամենքի կողմից սիրված եւ սպասված, Ձմեռ պապը, ով իր հետ
բերել էր, «FCN»-ի կողմից տրամադրված, անհատական նվերներ թե՛ սաներին
եւ թե՛ նախակրթարանին:
Փոքրիկները երգեցին, պարեցին, ուրախացան՝ անսահման հրճվանք պարգեւելով
նաեւ ծնողներին ու հյուրերին:
ԵՍԹԵՐ ԳՐԻԳՈՐՅԱՆ
>>>
|
|