ՃԱՆԱՊԱՐՀՈՒՄ
ԵՆՔ 2017 ԹՎԱԿԱՆԸ
արիքի
հետ ավելանում է ուշադրության պակասի զգացումը. տարեցներն իրենց
առավել միայնակ եւ ընկճված են զգում՝ հոգածության ու ջերմության
կարիք ունենալով: Տատիկներին ու պապիկներին սիրով շրջապատելը, նրանց
օրը տոն դարձնելն արդեն տասը տարի է, ինչ սոցիալ-կրթական կենտրոնի
սոցիալական ուղղության գործունեության կարեւորագույն մասն է կազմում:
Ամբողջ
տարվա ընթացքում մեծ շուքով նշվում են տաղավար տոները, կազմակերվում
են ուխտագնացություններ եւ այլ միջոցառումներ, սակայն տարին ամբողջանում
է Ամանորի եւ Սուրբ Ծննդյան նախատոնական շքեղ հանդիսությամբ: Այս
տարի եւս մեկ ուրախալի առիթ կար՝ դեկտեմբերի 15-ին նշվում էր տարեցների
ցերեկային կենտրոնի սիրված անդամ Հովհաննես պապի ծննդյան տարեդարձը:
Առիթի հետ կրկնապատկվեց նաեւ ուրախությունը, երգն ու պարը, որին
միացան, տարեցների հետ աշխատող, կամավորները, ովքեր սիրով մասնակցել
էին նախապատրաստական աշխատանքներին, մեծ եռանդով ու ոգեւորությամբ
պատրաստել զանազան կերակրատեսակներ:
Հանդիսույթի ավարտին բոլոր մասնակիցներն ստացան նվերներ: Հուսով
ենք՝ կենտրոնից ստացած դրական եւ ուրախ տպավորություններն ուղեկից
կլինեն մեր սիրելի տատիկներին ու պապիկներին ողջ տարվա ընթացքում:
ՀՌԻՓՍԻՄԵ ՊԱԼՅԱՆ
>>>
|
|