ԿՐԹԱԿԱՆ
ՈԼՈՐՏՈՒՄ ՏԱՐՎԱ ԼԱՎԱԳՈՒՅՆ ԿԱՄԱՎՈՐԸ
արիամ
Հակոբյանը սոցիալ-կրթական կենտրոնում իր կամավորական աշխատանքն է
ծավալում 2017 թվականի սեպտեմբերից: Նա պարտաճանաչ է, աշխատասեր,
սիրով է աշխատում երեխաների հետ՝ «Հեքիաթ» ցերեկային խնամքի կենտրոնում
եւ «Ամենագետիկ» նախակրթարանում դասավանդելով անգլերեն: Կենտրոնի
գրադարանում եւս Մարիամն ունի իր կամավորական ներդրումը. օգնում
է դասավորել եւ առանձնացնել գրքերը՝ ըստ գրական ժանրերի:
Նրա
համար մեծ հաճույք է հատկապես փոքրիկների հետ աշխատելը, չէ՞ որ նրանք
այնքան բարի են, փխրուն ու առանձնահատուկ, նրանցից լույս ու ջերմություն
է ճառագում: Ինչպես ասում է Մարիամը՝ «կամավորն այն մարդն է, ով
ոչ միայն երազում է, այլեւ օգնում, որ երազեն եւ երազանքներ ունենան
նաեւ մյուսները»: Մարիամն օբյեկտիվ է, ունի ազատ ու ստեղծագործ միտք,
վառ երեւակայություն եւ նորարարական մոտեցում՝ ցանկացած նախաձեռնության,
ինչն էլ, աշխատասիրության հետ մեկտեղ, հանդիսանում է նրա հաջողության
եւ նորանոր բարձունքների հասնելու գրավականը:
Դեկտեմբերի 5-ին` կամավորների միջազգային օրվա կապակցությամբ, Երեւանում
անցկացվեց. «Հայ կամավորների բանկ»-ի կողմից կազմակերպված, «Տարվա
լավագույն կամավոր» մրցանակաբաշխությունը, որի շրջանակներում հարյուր
դիմորդներից Մարիամ Հակոբյանն ընտրվեց որպես հինգ լավագույններից
մեկը եւ արժանացավ «Կրթական ոլորտում տարվա լավագույն կամավոր» անվանակարգին:
Սոցիալ-կրթական կենտրոնի աշխատակազմն ի սրտե շնորհավորում է Մարիամին՝
ցանկանալով բազում հաջողություններ ու նոր ձեռքբերումներ աշխատանքում:
Նաեւ մաղթում ենք, որ նման հաղթանակներ լինեն մյուս կամավորների
կյանքում եւս, իսկ Մարիամի համար՝ կրեն շարունակական բնույթ:
ԱՆԻ ՄԿՐՏՉՅԱՆ
>>>
|
|