ՍԵՄԻՆԱՐ
ՍՈՑԻԱԼ- ԿՐԹԱԿԱՆ ԿԵՆՏՐՈՆՈՒՄ
ԱԿ-ի
«Բնակչության հիմնադրամ»-ի կողմից ֆինանսավորվող «Հոգեւոր աջակցություն
ընտանիքներին» ծրագրի շրջանակում, հայաստանյան «Կլոր սեղան» հիմնադրամի
կողմից, դեկտեմբերի 1-ին սոցիալ-կրթական կենտրոնում անցկացվեց սեմինար՝
ընտանեկան բռնության արդի եւ խնդրահարույց թեմայով: Բացման խոսքով
հանդես եկան Շիրակի թեմի Առաջնորդ Տ. Միքայել եպս. Աջապահյանը եւ
հայաստանյան «Կլոր սեղան» բարեգործական հիմնադրամի գործադիր տնօրեն
Կարեն Նազարյանը:
Սեմինարին մասնակցեցին թեմի քահանաները եւ սոցիալ-կրթական կենտրոնի
սոցիալական աշխատողները: Սոցիոլոգ Արմինե Մխիթարյանի կողմից ներկայացվեցին
ընտանեկան բռնության դրսեւորումներն ու կանխարգելման կարեւորությունը:
Բուռն քննարկումներով հագեցած հանդիպման ընթացքում կարեւորվեց հայ
ավանդական ընտանիքի սովորույթների ու հարգալից հարաբերությունների
վերադարձը ժամանակակից հասարակություն, հոգեւորականի հաշտարար դերն
ընտանեկան բռնությունների կանխման եւ հետեւանքների հաղթահարման գործում:
Խոսվեց նաեւ ոլորտը կարգավորող նոր օրինագծի առավելությունների ու
թերությունների մասին:
Տեր Հայրերն առանձնակի ուշադրություն հրավիրեցին խոստովանահայրության
ինստիտուտի վերականգման կարեւորությանը, ինչը կդառնա ընտանիքում
գժտությունների ու վեճերի կանխման, հանդուրժողականության ու փոխըմբռնման
հարաբերությունների կառուցման գրավական:
Ի վերջո, ներկաները համակարծիք էին մեկ հարցում՝ չկա բռնություն
այն ընտանիքում, ուր կա սեր, իսկ սիրո առկայությունն արմատավորված
է Աստծո ներկայությամբ:
ԵՍԹԵՐ ԳՐԻԳՈՐՅԱՆ
>>>
|
|