ԴԻԱԲԵՏԸ
ԿԵՆՍԱԿԵՐՊ Է, ՈՉ ՀԻՎԱՆԴՈՒԹՅՈՒՆ
ոյեմբերի
14-ն ամբողջ աշխարհում նշվում է որպես շաքարային դիաբետի դեմ պայքարի
օր: Օրվա առիթվ Գյումրու «Մոր եւ մանկան ավստրիական հիվանդանոց»
ՓԲԸ-ն, «Էնդոկրինոլոգիական ու շաքարային դիաբետով երեխաների շարունակական
հսկողության եւ վարման դիսպանսեր» կենտրոնը հանդիպում էին կազմակերպել
Շիրակի մարզում դիաբետով հիվանդ երեխաների, դեռահասների եւ նրանց
ծնողների հետ:
Հանդիպմանը Շիրակի մարզի գլխավոր մանկական էնդոկրինոլոգ Գայանե Պետրոսյանը
ներկաների հետ զրուցեց «Դիաբետը երեխաների եւ դեռահասների մոտ»,
«Դիաբետ. կրթություն եւ պրոֆիլակտիկա» թեմաներով, պատասխանեց ծնողներին
հուզող հարցերին: Ներկայացվեցին նաեւ հիվանդության առաջացման պատճառները,
վերահսկելիության մեխանիզմները: Հիմնավորվեց առողջ ապրելակերպի եւ
ճիշտ սնվելու կարեւոր նշանակությունը հիվանդության կանխարգելման
գործում:
Ներկա էին նաեւ սոցիալ-կրթական կենտրոնի սոցիալական աշխատողները,
ովքեր դատարկաձեռն չէին եկել: Հանդիպման ավարտին կենտրոնի կողմից
երեխաներին տրվեցին հիգիենայի եւ դպրոցական պարագաներ:
ՀՌԻՓՍԻՄԵ ՊԱԼՅԱՆ
>>>
|
|