ՆՇՎԵՑ
ՏԱՐԵՑՆԵՐԻ ՄԻՋԱԶԳԱՅԻՆ ՕՐԸ
ոցիալ-կրթական
կենտրոնի եւ Շիրակի մարզի Գետք համայնքի միջնակարգ դպրոցի երկարամյա
համագործակցության արդյունքը մեծաթիվ հաջողված միջոցառումներն են:
Հերթականը նվիրված էր Տարեցների միջազգային օրվան:
Հանդիսույթին
հրավիրված էին մեծահասակ գետքցիները, «Կարիտաս» ԲՀԿ-ի շահառուները,
սոցիալ-կրթական կենտրոնի տարեցները, ինչպես նաեւ Գետքի միջնակարգ
դպրոցի նախկին ուսուցիչները:
Տարեցներին նախ ողջունեցին, ապա եւ շնորհավորեցին հանրակրթական դպրոցի
տնօրեն Հերմինե Թադեւոսյանը, ով նաեւ միջոցառման նախաձեռնողն ու
կազմակերպիչն էր, համայնքապետարանի ներկայացուցիչները: Ջերմ եւ հյուրընկալ
հարկի տակ հնչած բարեմաղթանքներն ու ելույթներն ի սրտե հուզեցին
տոնի հասցեատերերին: Կազմակերպվել էր նաեւ, բովանդակալից ու մասնակիցների
հետաքրքրությունների շրջանակն ընդգրկող հարցերով, «Ի՞նչ, որտե՞ղ,
ե՞րբ» ինտելեկտուալ խաղը, որի ավարտին ներկաներին հանձնվեցին մասնակցության
պատվոգրեր: Սոցիալ-կրթական կենտրոնի սոցիալական աշխատողները դատարկաձեռն
չէին գնացել միջոցառմանը. նրանք նվերներ հանձնեցին բոլոր մասնակիցներին:
ՀՌԻՓՍԻՄԵ ՊԱԼՅԱՆ
>>>
|
|