ԲԱՑՎԵՑ
ԿԱՐԻ ՆՈՐ ԱՐՀԵՍՏԱՆՈՑ
ոկտեմբերի
4-ին սոցիալ-կրթական կենտրոնում տեղի ունեցավ կարի արհեստանոցի բացման
արարողությունը, որը կյանքի է կոչվել ԱՄՆ Խաղաղության կորպուսի հայաստանյան
գրասենյակի, «Դի-Վի-Վի Ինթերնեյշնալ Հայաստան» կազմակերպության եւ
սոցիալ-կրթական կենտրոնի ջանքերով:
Այստեղ կկազմակերպվեն եւ կանցկացվեն կարի ուսուցման դասեր` հնարավորություն
ընձեռելով գործազուրկ կանանց եւ աղջիկներին ձեռք բերել համապատասխան
հմտություններ ու գիտելիքներ` հետագայում աշխատանք գտնելու կամ ինքնազբաղվածություն
ապահովելու նպատակով: Ոլորտում հմտանալով` մասնակիցները կկարողանան
ստեղծագործել յուրովի, հանդես գալ սեփական նախաձեռնություններով,
նոր մտահղացումներով, ինչու չէ` նաեւ բիզնես ծրագրերով:
Բացման
արարողությանը ներկա էին քաղաքում հայտնի կարի արտադրամասերի ներկայացուցիչներ,
ովքեր խոսեցին ոլորտի զարգացման, ընդլայնման եւ սպասվող պահանջարկների
մասին: Կարեւոր ձեռքբերումներից մեկն էլ այն է, որ դասընթացի մասնակիցներից
լավագույնները հնարավորություն կունենան աշխատանքի անցնել համապատասխան
արտադրամասերում: Սա եւս մեկ գրավական է` կազմակերպել մասնագիտացված
դասընթաց կարի ոլորտում` նպաստելով զբաղվածության առկա խնդրի լուծմանը:
Շնորհակալություն ծրագրի աջակիցներին եւ Խաղաղության կորպուսի կամավոր
Թոնգ Դու-Յանին:
ԱՆԻ ՄԿՐՏՉՅԱՆ
>>>
|
|