ԱՐԱԳ
ԱՐՁԱԳԱՆՔՈՒՄ
ւսումնական
տարին արդեն սկսվել է, սակայն կան երեխաներ, ովքեր, չնայած իրենց
սպասումներին ու երազանքներին, կցանկանային, որ սեպտեմբերի 1-ն այդպես
էլ չգար:
Շիրակի
մարզի Սպանդարյան գյուղում բնակվող Նազարեթյանների ընտանիքի չորս
անչափահաս դուստրերից երեք դպրոցահասակները դեռ ոտք չեն դրել դպրոց,
քանի որ չունեն անհրաժեշտ հագուստ ու գրենական պիտույքներ: Ծանր
կացության մեջ գտնվող ընտանիքի մայրը տառապում է հոգեկան հիվանդությամբ,
տատիկն անկողնային հիվանդ է, իսկ չորս անչափահաս երեխաների խնամքն
իր ուսերին է կրում, դարձյալ առողջական խնդիրներ եւ հաշմանդամություն
ունեցող, հայրը:
Շիրակի մարզպետարանից սոցիալ-կրթական կենտրոն ուղղորդված Գրիշա Նազարեթյանին
դիմավորեցին կենտրոնի սոցիալական աշխատողները: Իրավիճակի արագ վերլուծությունից
հետո կազմակերպվեց ընտանիքին առաջնային օգնության տրամադրումը: Չորսից
տասը տարեկան փոքրիկների համար առանձնացվեց «Focus on Children Now»-ից
ուղարկված սնունդ եւ հագուստ, ինչպես նաեւ IOCC-ի կողմից` գրենական
պիտույքներ ու հիգիենայի պարագաներ:
Ե. ԳՐԻԳՈՐՅԱՆ
>>>
|
|