Լրահոսից
6 օգոստոսի - Առաջնորդանիստ Սուրբ
Աստվածածին մայր եկեղեցում, ձեռամբ Տ. Շիրակ ավագ քհն. Առաքելյանի,
մատուցվեց Սուրբ եւ անմահ Պատարագ: Սրբազան արարողակարգի ընթացքում՝
«Հայր մեր»-ից առաջ, օրվա խորհրդին համահունչ, քարոզ խոսեց Տ. Հովհաննես
քհն. Ալեքսանդրյանը:
Նույն օրը Շիրակի թեմի Առաջնորդ Տ. Միքայել եպս. Աջապահյանն իր հերթական
հովվական այցը կատարեց Աշոցք համայնքի Փոքր Սարիար գյուղ, ուր եւ,
հանրակրթական դպրոցի հանդիսությունների սրահում, մատուցեց Սուրբ
Պատարագ:
12 օգոստոսի - Նախատոնակ: Սբ. Յոթվերք եկեղեցում,
հավարտ երեկոյան ժամերգության, հանդիսապետությամբ Տ. Թաթուլ ավագ
քհն. Հակոբյանի եւ մասնակցությամբ հոգեւորականաց դասի, կատարվեց
նախատոնակ:
13 օգոստոսի - Վերափոխումն Սբ. Աստվածածնի: Տոնի
ուրախ առիթով, առաջնորդանիստ Սբ. Յոթվերք եկեղեցում, մատուցվեց Սուրբ
եւ անմահ Պատարագ: Օրվա պատարագիչն ու քարոզխոսն էր Տ. Թաթուլ ավագ
քհն. Հակոբյանը: Հավարտ սրբազան արարողակարգի՝ Վարդանանց հրապարակում,
ձեռամբ Տ. Թաթուլ ավագ քհն. Հակոբյանի, կատարվեց խաղողօրհնեքի ավանդական
արարողակարգը:
14 օգոստոսի - Հիշատակ մեռելոց: Սբ. Աստվածածին
եկեղեցում մատուցվեց մեռելոցի Սուրբ եւ անմահ Պատարագ: Օրվա պատարագիչն
էր Տ. Հովհաննես քհն. Ալեքսանդրյանը:
20 օգոստոսի - Առաջնորդանիստ Սուրբ Աստվածածին
մայր եկեղեցում մատուցվեց Սուրբ եւ անմահ Պատարագ: Օրվա պատարագիչն
էր Տ. Հովհաննես քհն. Ալեքսանդրյանը: Սրբազան արարողակարգի ընթացքում՝
«Հայր մեր»-ից առաջ, հոգեհույզ քարոզ խոսեց պատարագիչ Տեր Հայրը:
27 օգոստոսի - Տոն Սուրբ Աստվածածնի գոտու գյուտի:
Սբ. Յոթվերք եկեղեցում մատուցվեց Սուրբ եւ անմահ Պատարագ: Օրվա պատարագիչն
էր Տ. Շիրակ ավ. քհն. Առաքելյանը: Սրբազան արարողակարգի ընթացքում՝
«Հայր մեր»-ից առաջ, տոնի խորհրդին համահունչ, քարոզ խոսեց Տ. Հովհաննես
քհն. Ալեքսանդրյանը:
>>> |
|