ԱՆԳԼԵՐԵՆԻ
ԻՄԱՑՈՒԹՅՈՒՆԸ ՇՓՄԱՆ ԼԱՎԱԳՈՒՅՆ ԲԱՆԱԼԻ
Արդեն
մեկուկես տարի է, ինչ Գյումրու «Տրիբունա» ֆուտբոլային ակումբի անդամները,
մարզական հաջողություններին զուգահեռ, ուսանում են անգլերեն` լեզվի
իմացությունը զարգացնելու բացառիկ հնարավորություն ստանալով, ձեռք
բերելով խոսակցական հմտություններ, շրջագայությունների եւ մարզական
հանդիպումների ընթացքում հեշտացնելով օտարերկրացիների հետ շփումն
ու հաղորդակցությունը:
Դասընթացի մասնակիցների ստացած գիտելիքներն ամփոփվում են տարեկան
երկու անգամ:
Օգոստոսի 8-ին կայացած քննությանը ֆուտբոլիստների գիտելիքներն ստուգելու
էր եկել Խաղաղության կորպուսի կամավոր Թոնգ Դու-Յանը, ներկա էին
սոցիալ-կրթական կենտրոնի սոցիալական ուղղության պատասխանատու Լուսիկ
Մուրադյանը եւ սոցիալական աշխատող Հռիփսիմե Պալյանը: Մասնակիցները
ներկայացան բանավոր ելույթներով, իսկ սկսնակ եւ միջին խմբերում սաների
գիտելիքներն ստուգվեցին ամփոփիչ թեստի միջոցով: Դասընթացավար Լուսինե
Ավագյանը հատկապես գոհ էր խոսակցական խմբի արդյունքներից:
Սոցիալ-կրթական կենտրոնում իրականացվող այս ծրագիրը ֆինանսավորվում
է «Focus on Children Now» ամերիկյան բարեգործական կազմակերպության
կողմից:
Ե. ԳՐԻԳՈՐՅԱՆ
>>>
|
|