ՈՒԽՏԱԳՆԱՑՈՒԹՅՈՒՆ
ԹԱԼԻՆ
գոստոսի
3-ին Շիրակի թեմի սոցիալ-կրթական կենտրոնի տարեցները, սոցիալական
աշխատողների եւ կամավորների ուղեկցությամբ, ուխտագնացության մեկնեցին,
Արագածոտնի մարզի Ներքին Թալին գյուղում գտնվող, Սուրբ Սարգիս մատուռ,
ինչպես նաեւ այցելեցին Դաշտադեմի (Քաղենիի) տասներորդ դարի ամրոցը:
Տարեց
ուխտավորները ճանապարհի երկարությունը հաղթահարեցին աղոթքով, սաղմոսերգությամբ
եւ շարականների երգեցողությամբ: Տիրոջից օրհնություն հայցելուն եւ
աշխարհում խաղաղություն հաստտատվելուն էր ուղղված վերջիններիս ուխտի
ճանապարհի աղոթասացությունը: Հավատացյալ այցելուները նախ ծանոթացան
ամրոցի պատմությանը:
Սուրբ Սարգիս մատուռում նրանք միասնական աղոթք ասացին, ապա վառեցին
առ Աստված իրենց հավատքի մոմերը, որից հետո, խաղաղված հոգով, ուղեւորվեցին
Աշտարակ քաղաքի «Արծվի թեւեր» հանգստի գոտի` ճաշակելու Տիրոջ պարգեւած
բարիքները: Ընկերական ջերմ մթնոլորտում տարեցները կարողացան մոռանալ
իրենց հոգսերն ու խնդիրները:
Ուխտավորները խորին շնորհակալություն են հայտնում Շիրակի թեմի բարեխնամ
Առաջնորդ Տ. Միքայել եպս. Աջապահյանին եւ բոլոր այն բարերարներին,
ովքեր մշտապես տարեցների կողքին են:
ՀՌԻՓՍԻՄԵ ՊԱԼՅԱՆ
>>>
|
|