 |
|
||||||
|
|
| «ՔԱՌԱՍՆՕՐԵԱ
ՏՂԱՅ ԵՒ ՏԷՐՆ ՕՐԻՆԱԴԻՐ ՏՆՕՐԻՆԱԲԱՐ ԵԿՆ «Որ արձակիչդ ես կապելոց պարգեւատու ամենեցուն.
այսօր հայցմամբ ծերունւոյն արձակեա եւ զիս զբազմամեղս ի կապանաց
մահու ի կեանսդ յաւիտենից»։
ԱԼՎԱՐԴ ԿԱՂԶՎԱՆՑՅԱՆ |
|||
յառնընդառաջի
տոնը Հայ Առաքելական եւ Արեւելյան Եկեղեցիները համարում են Տերունի,
որովհետեւ հանդիսանում է Աստվածհայտնությունը բացահայտող Սուրբգրային
իրողություն։ 
Սուրբ
Գիրքն ավանդում է, որ Երուսաղեմում Սիմեոն անունով մի աստվածավախ
ծերունի էր ապրում, ով իր ողջ կյանքում սպասում էր Փրկչին։ Սուրբ
Հոգուց ներշնչված՝ ծերունին, Հիսուսի ընծայման օրը, տաճար է գնում
եւ, գրկելով Մանկանը, ասում է. «Այժմ, ո՛վ Տեր, համաձայն քո խոստման՝
խաղաղությամբ արձակիր քո ծառային, քանզի աչքերս տեսան Փրկչին, որ
ուղարկեցիր դու բոլոր ժողովուրդներին, որպես լույս՝ լուսավորելու
հեթանոսներին եւ լինելու փառքն Իսրայելի՝ քո ժողովրդի» (ՂԿ. Բ. 29-33)։
Փետրվարի
13-ին, առաջնորդանիստ Ս. Աստվածածին մայր կեղեցում, Շիրակի թեմի
բարեխնամ Առաջնորդ Տ. Միքայել եպս. Աջապահյանի հանդիսապետությամբ,
կատարվեց երեկոյան ժամերգություն, որից հետո՝ Տյառնընդառաջի նախատոնակ։
Տոնականորեն զգեստավորված հոգեւորականաց հանդիսավոր թափորը, Առաջնորդ
Սրբազանի գլխավորությամբ, ուղղվեց Վարդանանց հրապարակ, ուր կատարվեց
տարվա առաջին Անդաստանի կարգը, հընթացս որի օրհնվեցին աշխարհի չորս
կողմերը։ Այնուհետեւ օրհնվեցին նաեւ այն մոմերը, որոնց կրակով, ձեռամբ
Սրբազան Հոր, բոցավառվեց հրապարակի կենտրոնում պատրաստված, ավանդական
խարույկը։ 
Տյառնընդառաջի
հնօրյա ավանդույթներին մեր օրերում հավելվել է եւս մեկը։ Ն.Ս.Օ.Տ.Տ.
Գարեգին Բ Ամենայն Հայոց Կաթողիկոսի բարձր տնօրինությամբ Տյառնընդառաջի
տոնը հռչակվել է նաեւ նորապսակների օրհնության օր։ Ս. Յոթվերք եկեղեցի
եկած նորապսակ զույգերը ոչ միայն օրհնություն ստացան, այլեւ տուն
տարան վառվող ճրագներ՝ իրենց բակերում տոնական խարույկներ վառելու
համար։ 