Ն.Ս.Օ.Տ.Տ. ԳԱՐԵԳԻՆ Բ ԱՄԵՆԱՅՆ ՀԱՅՈՑ ԿԱԹՈՂԻԿՈՍԻ
ՇՆՈՐՀԱՎՈՐԱԿԱՆ ՈՒՂԵՐՁՆ ԱՎԵՏՄԱՆ ՏՈՆԻ ԱՌԻԹՈՎ

Մայր Աթոռ Սուրբ Էջմիածնից՝ Ավետման տոնի
առիթով, Հայրապետական Մեր օրհնությունն ու
բարեմաղթանքներն ենք հղում համայն հավատավոր
մեր ժողովրդին եւ ի մասնավորի` մեծազնիվ տիկնանց
եւ օրիորդաց:
Ավետման ավետարանական դրվագը
մեզ փոխանցում է Փրկչի աշխարհ գալու բարի
ավետիսը եւ Սուրբ Աստվածամոր խոնարհ, հնազանդ
ու հավատավոր կերպարը, որ դարձել է
աստվածանվիրումի երանելի վկայություն եւ բարի
օրինակ ծառայել հայ կանանց համար բոլոր
ժամանակներում: Հոգենորոգ այս օրը մեր
եկեղեցիներում կատարվում է, մայրության բերկրանքին
սպասող, կանանց օրհնություն` աղոթքով, որ ազգս
զորանա նոր մանուկների ծնունդով, եւ մեր
զավակները, Աստծո օրհնության ու իրենց ծնողների
հոգածության ներքո, մեծանան հավատավոր հոգով,
հայրենյաց սիրով եւ դաստիարակվեն ազգային ինքնության արժեքներով: >>>

Ն.Ս.Օ.Տ.Տ. ԳԱՐԵԳԻՆ Բ ԱՄԵՆԱՅՆ ՀԱՅՈՑ ԿԱԹՈՂԻԿՈՍԻ ՊԱՏԳԱՄԸ ՄԵՐ ՏԵՐ ԵՎ ՓՐԿԻՉ ՀԻՍՈՒՍ ՔՐԻՍՏՈՍԻ
ՍՈՒՐԲ ՀԱՐՈՒԹՅԱՆ ՏՈՆԻ ԱՌԻԹՈՎ

Սիրելի՛ բարեպաշտ ժողովուրդ ի հայրենիս եւ ի սփյուռս, Քրիստոսի Սուրբ Հարության ցնծագին ավետիսով եւ աստվածային շնորհների հայցով բերում ենք ամենքիդ Հայրապետական Մեր սերը, օրհնությունն ու բարեմաղթանքները: >>>

«ՆՈՐԱՑՈՒՑԷՔ ԶՕՐՀՆՈՒԹԻՒՆ ՅԱՐՈՒՑԵԼՈՅՆ
Ի ՄԵՌԵԼՈՑ, ՈՐ ՆՈՐՈԳԵՑԱՆ ԶՏԻԵԶԵՐՍ»
ՍՈՒՐԲ ՀԱՐՈՒԹՅԱՆ ՏՈՆԸ ՇԻՐԱԿԻ ԹԵՄՈՒՄ

Հիսուս Քրիստոսի հրաշափառ Հարությունը քրիստոնեական տոների շարքում առանցքային նշանակություն ունի: Այն հայտնի է նաեւ Սուրբ Զատիկ անվամբ, ինչը հին հրեաների՝ եգիպտական գերությունից ազատագրվելու տոնն է: Փրկչի Հարությունը ողջ մարդկության համար շրջադարձային նշանակություն ունեցավ: >>>

ԱՎԱԳ ԿԱՄ ՉԱՐՉԱՐԱՆԱՑ ՇԱԲԱԹԸ ՍՈՒՐԲ
ՅՈԹՎԵՐՔ ԵԿԵՂԵՑՈՒՄ

Ավագ շաբաթվա այս իրադարձությունները ներկայացնում են Հիսուսի՝ հանուն մարդկության սիրո ու փրկության կատարած ինքնազոհողությունը՝ չարչարանքները, խաչին գամվելը, մահը եւ թաղվելը: Ավագ շաբաթը Քրիստոս Աստծո մարմնավոր կյանքի վերջին շաբաթն է, եւ յուրաքանչյուր օր նվիրված է ավետարանական մի հիշատակի: >>>

Ապրիլի 24-ին՝ երիտասարդների նախաձեռնությամբ եւ արժանապատիվ Տեր Մակար քահանա Գալամդարյանի առաջնորդությամբ, Ազատանի Հայրենական մեծ պատերազմի զոհերի հիշատակը հավերժացնող հուշարձան-կոթողի մոտից մեկնարկեց ջահերով երթը դեպի Սուրբ Հարություն-Սուրբ Ստեփանոս եկեղեցի՝ ի հիշատակ հայոց Ցեղասպանության 110-րդ տարելիցի: Աղոթքով, շարականներով, ոգեկոչող եւ ոգեշնչող երգերով ջահակիրների երթը հասավ եկեղեցի: >>>

«ՕՐՀՆԵՑԷՔ, ԳՈՎԵՑԷՔ ԵՒ ԲԱՐՁՐ
ԱՐԱՐԷՔ ԶՆԱ ՅԱՒԻՏԵԱՆ»
ԾԱՂԿԱԶԱՐԴԻ ՏՈՆԸ ՇԻՐԱԿԻ ԹԵՄՈՒՄ

Մեծ պահքի վերջին կիրակին կոչվում է Ծաղկազարդ՝ ի հիշատակ մեր Տեր եւ Փրկիչ Հիսուս Քրիստոսի Երուսաղեմ հաղթական մուտքի: Իր երկրային կյանքում Աստվածորդին շատ անգամներ եղել էր Սուրբ քաղաքում, սակայն այդ այցելություններն Ավետարանում ներկայացված չեն որպես «հաղթական մուտքեր» եւ Հիսուս ուրիշ առիթներով էլ ժողովրդական խանդավառության պատճառ էր եղել, սակայն այսպիսի հորդ զգացումների հորձանք դեռ չէր ստեղծել Իր շուրջ: >>>

«ՄԱՀԸ ՈՉ ԹԵ ԱՎԱՐՏՆ Է ՄԵՐ ԳՈՅՈՒԹՅԱՆ, ԱՅԼ
ՀԱՆԴԻՊՈՒՄԸ ՀԱՎԻՏԵՆՈՒԹՅԱՆ ՀԵՏ»

Ապրիլի 26-ին մեծ ցնծություն էր ՀՀ ԿԳՄՍՆ Գյումրու թիվ 3 արհեստագործական պետական ուսումնարանում: «Խոհարար 1-ին» խումբը դաս-միջոցառում էր կազմակերպել՝ նվիրված Սուրբ Հարության տոնին եւ հանապազօրյա հացի պանծացմանը: >>>

«ՔՐԻՍՏՈՆՅԱ. ՊԱՐԶԱՊԵՍ ԱՆՎԱՆՈՒՄ,
ԹԵ՞ ԿՅԱՆՔ»

Ինչո՞ւ մարդը պետք է լինի քրիստոնյա: Ո՞ւմ ենք ծառայում՝ չարին, թե բարուն: Քրիստոնեությունն անվանո՞ւմ է, թե կյանք: >>>

ՃԱՆԱՊԱՐՀ ԴԱՐՁԻ

Ավագ շաբաթվա խորհրդով՝ ապրիլի 16-ին, Շիրակի թեմի Երիտասարդաց միությունը նախաձեռնել էր Տ. Վազգեն արքեպս. Քեշիշյանի «Ճանապարհ դարձի» գրքի քննարկումը՝ Տ. Մակար քհն. Գալամդարյանի հետ: >>>

Հայ Առաքելական Սուրբ Եկեղեցին հնուց ի վեր տոնախմբել է Ավետման սքանչելի եւ մեծախորհուրդ տոնը, որ հաստատուն եւ անշարժորեն նշվում է ապրիլի 7-ին՝ ի հիշատակ Գաբրիել հրեշտակապետի՝ շնորհընկալ Կույս Մարիամին բերած ավետիսի, թե, Սուրբ Հոգու զորությամբ, Աստվածորդին իր միջոցով պիտի մարդեղանա: >>>

«ՏԻԵԶԵՐԱԿԱՆ ՍՈՒՐԲ ԳՐԻԳՈՐ ԶՔԵԶ
ՈՒՆԻՄՔ ԲԱՐԵԽՕՍ ԱՌ ՅԻՍՈՒՍ ՄԻԱԾԻՆՆ»

Հայոց տոնացույցում Ս. Գրիգոր Լուսավորչին նվիրված տոներից մեկը վիրապ մտնելու հիշատակն է::
Ապրիլի 5-ին՝ «Մուտն ի վիրապ» տոնի առիթով, Շիրակի թեմի Առաջնորդ Տ. Միքայել արքեպս. Աջապահյանի հայրական օրհնությամբ, մի խումբ հավատացյալներ, նախաձեռնությամբ Զարիկ Իգիթյանի, Ժաննա Խաչատրյանի եւ հովանավորությամբ Արմինե Ասատրյանի, ուխտագնացության մեկնեցին Խոր Վիրապ: >>>

ՈՒՍՈՒՑՉՈՒՀՈՒ ԼԱՎԱԳՈՒՅՆ ՆՎԵՐԸ

Մի անգամ Մինեսոտայի դպրոցներից մեկի մաթեմատիկայի ուսուցչուհին աշակերտներին նման առաջադրանք տվեց՝ կազմել դասարանցիների անվանացանկը, մտածել յուրաքանչյուր դասընկերոջ մասին, նշել, թե նրա ո՞ր հատկանիշն է ամենաշատը դուր գալիս իրենց եւ այդ դրական գիծը գրել նրա անվան դիմաց: >>>

«ԱՀԱՎԱՍԻԿ ԵՍ ՄՆՈՒՄ ԵՄ
ՏԻՐՈՋ ԱՂԱԽԻՆԸ»

Ապրիլի 7-ին Հայ Առաքելական Սուրբ Եկեղեցին նշում է Սուրբ Մարիամ Աստվածածնի Ավետման տոնը:
Ազատանի հովվության Կիրակնօրյա դպրոցներում (Ազատան, Ղարիբջանյան, Ախուրիկ, Բայանդուր) հերթական դասը նվիրված էր հենց այդ տոնին: >>>

ՈԻԽՏԱԳՆԱՑՈՒԹՅՈՒՆ mԱՐՄԱՎԻՐԻ ԹԵՄ

Ապրիլի 12-ին՝ Ղազարոսի հարության հիշատակի ուրախ առիթով, նախաձեռնությամբ Ժաննա Խաչատրյանի եւ Զարիկ Իգիթյանի, մի խումբ հավատացյալ ուխտավորներ ուղեւորվեցին Արմավիրի մարզի Մեծամոր ավանի Ս. Ղազար եկեղեցի: >>>

5 ապրիլի - Տոն Ս. Գրիգոր Լուսավորչի չարչարանաց եւ մուտն ի վիրապ: Ս. Աստվածածին առաջնորդանիստ եկեղեցում Սուրբ եւ անմահ Պատարագ մատուցեց Տ. Թաթուլ ավգ. քհն. Հակոբյանը: Հընթացս սրբազան արարողակարգի՝ «Հայր մեր»-ից առաջ, հանգամանալից քարոզ խոսեց պատարագիչ Տեր Հայրը: >>>